भक्तपुर, १० पुस २०७९नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो नेतृत्वमा सरकार गठन गर्न दाबी पेश गरेका छन् । राष्ट्रपति कार्यालय शीतल निवास पुगी उनले विद्यादेवी भण्डारी समक्ष आफ्नो नेतृत्वमा सरकार गठनका लागि दावी पेश गरेका हुन् ।
उनले माओवादीसहित नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी र राष्ट्रिय उन्मुक्ति पार्टीको समर्थन पेश गरेका छन् ।
गत मंसिर ४ गते सम्पन्न निर्वाचनमा कुनै पनि दलको बहुमत नआएपछि राष्ट्रपति विद्यादेवी भण्डारीले आज आइतवार बेलुकी ५ बजेसम्मको समय सीमा दिएर सरकार गठन गर्न आह्वान गरेकी थिइन् । प्रचण्डको नेतृत्वमा बहुमत सांसदको हस्ताक्षरसहितको पत्र आइसकेको राष्ट्रपति कार्यालयका सञ्चार विज्ञ टीका ढकालले जानकारी दिएका छन् ।
५ दलीय गठबन्धन बनाएर निर्वाचनमा सहभागी भएपनि नेपाली काँग्रेसले आफ्नै सभापति शेर बहादुर देउवाको नेतृत्व अडान नछाडे पछि नयाँ सत्ता समीकरण बनेको हो । नयाँ गठबन्धन बने संगै फेरी एकपटक प्रचण्डले नेपालको राजनीति आफ्नै केन्द्रमा रहेको पुष्टि गर्न सफल भएका छन् भने देशले प्रचण्डको नेतृत्वमा सरकार पाउने पक्कापक्क्की भएको छ ।
यस्तो छ प्रचण्डको नेतृत्वमा सरकारको समर्थनमा ७ दल र स्वतन्त्र सांसदको राष्ट्रपति समक्ष अनुरोध
