भक्तपुर, २ जेठ २०८०भक्तपुर नगरपालिकाका प्रमुख सुनिल प्रजापतिले भक्तपुर आत्मनिर्भरतालाई स्वाभिमानीपूर्वक अगाडि बढ्ने सुत्रको रुपमा लिएर अघि बढिरहेको बताएका छन् । दैलेखको चामुण्डा बिन्द्रासैनी नगरपालिकाका नगर प्रमुख गणेशकुमार शाही नेतृत्वको टोलीसंग उनले सोकुरा बताएका हुन् ।
मंगलबार भक्तपुर आएको चामुण्डा बिन्द्रासैनीको टोलीसंग भेटवार्ता गर्दै उनले भने, ”आत्मनिर्भरतालाई स्वाभिमानीपूर्वक अगाडि बढ्ने सुत्र बनाएका छौं ।” नगर प्रमुख प्रजापतिले भक्तपुर नगरपालिकाले नेमकिपाको घोषणापत्रलाई आधार बनाई संविधानले कल्पना गरेको समाजवादउन्मुख कार्य गर्दै आएको पनि प्रष्ट पारे ।
उनले देशका विभिन्न स्थानीय तहहरुबीच अनुभव आदानप्रदानको क्रम चालु रहेको बताउँदै स्वास्थ्यमा घरदैलो नर्सिङ, वडा–वडामा स्वास्थ्य केन्द्र, आफ्नै विद्यालय र कलेज , १ सय सैयाको ख्वप नगर अस्पतालको सञ्चालनका साथै निःशुल्क अक्सिजन र निःशुल्क रगत उपलब्ध गराउने लगानी जनमूखी व्यवस्था नपाले गर्दै आएको जानकारी गराए ।
भेटमा चामुन्डा बिन्द्रासैनीका नगर प्रमुख गणेशकुमार शाहीले जनप्रतिनिधिहरूबीचको अनुभव आदानप्रदानले एक अर्काबाट सिक्दै अगाडि बढ्न ऊर्जा प्राप्त हुने हुँदा भक्तपुर नपाले विशेषतः शिक्षा र स्वास्थ्य क्षेत्रमा गरिरहेको उपलब्धीबाट आफूहरुले पनि सिक्न चाहेको सुनाएको थिए ।
उनीरुबीच दुई एक आपसमा अनुभव आदानप्रदान गर्नुका साथै दुई नगरबीच आवश्यक सहकार्य गर्नसक्ने विषयबारे बातचित गरेका बताइएको छ ।