भक्तपुर, ८ साउन २०८०भक्तपुरस्थित ग्रेस एफएम १५ वर्षमा प्रवेश गरेको छ । १५ वर्ष प्रवेशको अवसरमा एफएमले रेडियो पत्रकारिता, मञ्च उद्घोषण र कार्यक्रम उत्पादन सम्बन्धी दुई महिने प्रशिक्षणको प्रमाणपत्र वितरण गर्दै वार्षिकोत्सव कार्यक्रम सम्पन्न गरेको छ ।
कार्यक्रमका प्रमुख अतिथि एवम् आशाको सन्देश नेपालका कार्यकारी निर्देशक शान्ति पाण्डेले कार्यक्रमको उद्घाटन गर्दै प्रशिक्षार्थीलाई प्रमाणपत्र वितरण गरेकी हुन् ।
कार्यक्रममा आशाको सन्देश नेपालकी वर्षा पौडेलले शुभकामना मन्तव्य व्यक्त गरेकी थिइन् भने स्टेसन म्यानेजर केशव लुइटेल र कार्यक्रम निर्देशक रामगोपाल आशुतोषले १५ औँ वर्षसम्म रेडियोलाई ल्याइपुर्याउन गरेको संघर्षको स्मरण गरेका थिए ।
ग्रेस एफएमका कार्यक्रम प्रस्तोताद्वय कञ्चन जिआएर र मनिषा खड्काले सञ्चालन गरेको वार्षिकोत्सव कार्यक्रममा एफएमलाई श्रोता र दर्शकबाट अझ बढी साथ, सहयोग र माया प्राप्त हुने विश्वास व्यक्त गरिएको छ ।