भक्तपुर, ८ असोज २०८०सेकुवाको पारखीहरुका लागि अब भक्तपुरमै स्वादिलो सेकुवा घर खुलेको छ । मासुको परिकार मध्यपुर थिमि–३, गठ्ठाघर चोकमा ‘अगेनो सेकुवा घर’ सञ्चालनमा आएको हो ।
अगेनोको मूख्य आकर्षण सेकुवा नै भएको सञ्चालक कान्छा डंगोलले बताएका हुन् । अगेनोमा विशेषगरी बंगुर (पोर्क), खसी र चिकेनका सेकुवाको परिकार पाईन्छ । साथै विभिन्न परिकारका खाजाका सेट, मम, चाउमिनका साथै अर्डर अनुसार खानाको पनि व्यवस्था रहेको डंगोलले जानकारी गराए । अगेनोमा बंगुर, चिकेनको सेकुवाका लागि आफैले मासु छानेर किलोमा जोखेर पनि लिन सकिने डंगोलले जानकारी गराएका छन् ।
करिव दुई रोपनी क्षेत्रफलमा रहेको अगेनोमा पार्किङको प्रसस्त व्यवस्था रहेको र पारिवारिक बातावरण भएको अर्का सञ्चालक निरज श्रेष्ठले जनाएका छन् । अगेनोले सेकुवा पोल्न अत्याधुनिक प्रविधि उपयोगमा ल्याएको र यसले खानाको स्वादका वृद्धि गर्नुका साथै स्वास्थ्यवर्द्धक समेत हुने दावी उनले दावी गरे ।
अगेनोका अर्का सञ्चालक दुर्गा कार्कीले भक्तपुर र विशेष गरी मध्यपुर थिमि क्षेत्रमा सेकुवाको लागि उत्कृष्ट रेष्टुरेन्ट नभएकाले यहाँका सेकुवा पारखीहरुलाई लक्षित गरी गठ्ठाघरमा सेकुवा घर सञ्चालनमा ल्याएको बताए ।
