![](https://bhaktapurpost.com/wp-content/themes/onlineparda/images/1px.gif)
नेपाल पत्रकार महासंघ भक्तपुरका कार्यसमिति सदस्य, नेवा: पत्रकार राष्ट्रिय दबुका भक्तपुर जिल्ला अध्यक्ष एवं न्युज २४ टिभीका भक्तपुर प्रतिनिधि रामगोपाल तमखुलाई मातृशोक परेको छ । उनको ममतामयी माता रामेश्वरी तमखुको ७२ वर्षको उमेरमा शुक्रवार साँझ असामयिक निधन भएको हो ।
कुनै दीर्घ रोग नभएकी रामेश्वरी सूर्यविनायकस्थित निवासमै अचानक अचेत भएपछि उनलाई भक्तपुर अस्पताल पुर्याइएको र अस्पतालले उनलाई मृत घोषित गरिदिएको पारिवारिक श्रोतले जनाएको छ । शुक्रवार राति नै उनको अन्त्येष्टि गरिएको बताइएको छ ।
दिवंगत रामेश्वरीका २ छोरा र २ छोरी छन् । पत्रकार रामगोपाल उनका जेठा छोरा हुन् ।
नेपाल पत्रकार महासंघ जिल्ला शाखा भक्तपुरले कार्यसमिति सदस्य रामगोपाल्की ममतामयी माताको निधन प्रति दु:ख व्यक्त गर्दै हार्दिक श्रद्धान्जली अर्पण गरेको छ भने रामगोपाल लगायत परिवारजन प्रति गहिरो समवेदना व्यक्त गरेको अध्यक्ष जगत कृष्ण प्रजापतिले जनाएका छन् ।
भक्तपुरपोष्ट दिवंगत प्रति हार्दिक श्रद्धान्जली अर्पण गर्दै पत्रकार रामगोपाल लगायत परिवारजनमा मातृ वियोग सहन गर्ने सामर्थ्य प्राप्त होस् भनी कामना गर्दछ ।