भक्तपुर, १९ माघ २०८०नेपाली कांग्रेसले पार्टी र संसदीय समितिलाई संयोजन गर्ने गरी १० जना सांसदलाई संयोजकको जिम्मेवारी दिएको छ । कांग्रेस संसदीय दलको बैठकले सो जिम्मेवारी दिएको हो ।
भक्तपुरकी सांसद रमा कोइराला पौडेलले उद्योग तथा वाणिज्य र श्रम तथा उपभोक्ता हित समितिमा संयोजकको जिम्मेवारी पाएकी छन् । अर्थ समितिको संयोजकमा रामनाथ अधिकारी, अन्तर्राष्ट्रिय सम्बन्ध र पर्यटन समितिमा डा. नारायण खड्काले जिम्मेवारी पाएका छन् ।
कानुन न्याय तथा मानव अधिकार समितिमा नागिना यादव, कृषि, सहकारी तथा प्राकृति स्रोत समितिमा कुसुमदेवी थापा, महिला तथा सामाजिक मामिला समितिमा आशा विकलाई संयोजकको जिम्मेवारी दिइएको छ।
राज्य व्यवस्था तथा सुशासन समितिमा दिलेन्द्रप्रसाद वडू, पूर्वाधार विकास समितिमा दिनेशकुमार यादव, शिक्षा स्वास्थ्य तथा सूचना प्रविधि समितिमा लिलादेवी बोखिम (लिम्वू) र सार्वजनिक लेखा समितिमा श्यामकुमार घिमिरे संयोजक तोकिएका छ।