भक्तपुर, २४ चैत २०८०कुनै जमानामा निकै ख्याति कमाएका प्रसिद्ध तान्त्रिक हरिबहादुर खड्काको निधन भएको छ । ७५ वर्षको उमेरमा उनको निधन भएको हो ।
उनको निधनप्रति नेकपा माओवादी केन्द्रले दु:ख ब्यक्त गरेको छ । नेकपा (माओवादी केन्द्र) भक्तपुरका इन्चार्ज एवं केन्द्रीय सदस्य दिलिप प्रजापति भीष्मको नेतृत्वमा नेता कार्यकर्ताहरु उनको चाँगुनारायण-२ दुवाकोटस्थित निवासमा पुगी श्रद्धाञ्जली अर्पण गरेका छन् ।
श्रद्धाञ्जली सभामा बागमती प्रदेश सभा सदस्य एवं पार्टीका केन्द्रीय सदस्य देवेन्द्र श्रेष्ठ, मुख्यमन्त्रीका प्रमुख राजनीतिक सल्लाहकार एवं अर्का केन्द्रीय सदस्य डिपी ढकाल, जिल्ला संयोजक सुनिल बासु त्यसैगरी स्थानीय नेताहरु रामलाल न्हेम्हफूकी, नरेश खड्का, रामशरण दाहाल, सुमन दाहाल, राजकुमार बन, सुरज खड्का,कुशकुमार कार्की लगायतको सहभागीता रहेको थियो। उनीहरूले दिवङ्गत खड्काको सामाजिक ब्यक्तित्वको चर्चा गर्दै उनको निधनले एक समाजसेवी ब्यक्ति गुमाउनुपरेको बताए ।
दिवङ्गत खड्कालाई तत्कालीन राजा बीरेन्द्रले गोरखा दक्षिण बाहुबाट बिभुसित गरेका थिए । उनको घरमा तत्कालीन प्रधानमन्त्री शेर बहादुर देउवा लगायतका उच्च पदस्थ ब्यक्तिहरु ज्ञान र दिशानिर्देश प्राप्त गर्न आउने गर्थे । पछिल्लो समय मुटु रोग लगायतका स्वास्थ्य समस्या भएपछि उनी पेशामा निष्क्रिय जस्तै रहेका थिए ।
दिवङ्गत खड्काका श्रीमती, २ छोरा र दुई छोरी छन् । उनका छोराहरू प्रकाश र सन्तोष माओवादी केन्द्रका संगठित सदस्य हुन् ।
स्व. हरिबहादुर खड्का