भक्तपुर पोष्ट संवाददाता भक्तपुर, १४ ासोज २०८१
भक्तपुर, १४ ासोज २०८१नेपाल आयल निगमले इन्धनको मूल्य घटाएको छ । निगमका अनुसार पेट्रोल, डिजेल र मट्टीतेल तथा हवाई इन्धनको मूल्य घटाइएको हो ।
सोमबार राति १२ बजेबाट लागु हुने गरी निगमले पेट्रोलमा प्रति लिटर रु १, डिजेल र मट्टीतेलमा २-२, हवाई इन्धनमा आन्तरिकमा ६ तथा बाह्यमा प्रतिहजार लिटरमा ४५, मट्टीतेलमा दुई रुपैयाँ मूल्य घटाइएको निगमले जनाएको छ ।
नयाँ मुल्य अनुसार काठमाडौँमा पेट्रोलको मुल्य रु १ सय ५८, डिजेल तथा मट्टीतेलको मुल्य रु १ सय ४७ प्रति लिटर भएको निगमले जनाएको छ ।
एलपी ग्याँसको मूल्य भारतबाट नेपाली ४१ रुपैयाँ बढेर आएपनि चाडपर्वलाई लक्षित गरी यथावत राखिएको निगमले जनाएको छ । एलपी ग्याँसमा हाल प्रति सिलिण्डर २ सय ६९ रुपैयाँ ८० पैसा घाटा रहेको निगमले जनाएको छ ।