सर्लाही, २२ माघसर्लाही जिल्लाको इतिहासमा प्राप्ति उप्रेति पहिलो ‘मिस सर्लाही’ बन्न सफल भएकी छन । ऐतिहासिक पहिलो मिस सर्लाही प्रतियोगितामा प्राप्तिले टाइटल उपाधी हात पारेकी हुन् ।
पल इन्टरटेन्मेन्टको आयोजनामा भएको उक्त प्रतिस्पर्धामा सर्लाहीका सुन्दरीहरुको उल्लेखनीय सहभागिता रहेको थियो । शनिवार राती बिणा चलचित्र मन्दिर लालबन्दीमा सम्पन्न ग्राण्ड फिनालेबाट बिजेता बनेपछि प्राप्ति ‘मिस सर्लाही’को ताज पहिरिन सफल भएकी हुन् ।
त्यसैगरी राधा अधिकारि फस्ट रनर अप हुनुकासाथै सोनिया खतिवडा सेकेन्ड रनर अप भएकाे खबर पत्रकार प्रेमनाथ पाैडेलले जानकारी गराएका छन् ।
मिस सर्लाहीको उपाधी चुमेकी प्राप्तीले मिस सर्लाहीको ताज पहिरिनुका साथै नगद ५० हजार र बिभिन्न गिफ्ट ह्याम्पर उपहार पाएकी छन् भने फस्ट रनर अप राधाले नगद ३० हजार र गिफ्ट ह्याम्पर त्यसैगरी सेकेन्ड रनरअप सोनियाले नगद २० हजार र गिफ्ट ह्याम्पर प्राप्त गरेका छन् ।