News Portal

  • रहस्यमयी भोटो : सधै थैलीमा भएर पनि न खुम्चिन्छ, न त किराले नै खान्छ

    इभक्तपुर संवाददाताभक्तपुर, ३० बैशाख
    ९१९ पटक
    भक्तपुर, ३० बैशाख

    रातो मच्छिन्द्रनाथको साथमा रहेको भोटो आइतबार साँझ जावलाखेलमा प्रदर्शन गरिँदैछ । ज्यापू समाज जावलाखेल व्यवस्थापन समितिका अध्यक्ष बालकृष्ण महर्जन (पुल्चोक)का अनुसार ललितपुर महानगरपालिकाले यसको व्यवस्थापन गरेको छ, ज्यापू समाज पनि यसमा सहभागी छ । जात्रामा भोटो प्रदर्शन हुने भए पनि यो भोटोको राणाकालदेखि मर्मत भने हुन सकेको छैन ।

    भोटोमा जडित सातवटा पत्थर नभएको भन्ने अभिलेख भद्रकालीस्थित गुठी लगतमा उल्लेख छ । भोटोमा जडित पत्थरको अवस्थाबारे संस्थान स्वयं अनभिज्ञ छ । संस्थानका प्रवक्ता सरोज थपलिया भन्छन्, “वास्तवमै भोटोको जाँच गहना जाँचकीबाट हुनुपर्ने हो । भोटो के हो, यसमा जडित गहना पत्थर के हुन्, यो अहिलेसम्म खुलेकै छैन । भोटो देखायो, सिलबन्दी ग¥यो, फेरि खोल्यो, देखायो अनि थन्क्यायो । यस्तै भइरहेको छ । ”

    प्रवक्ता थपलियाका अनुसार भोटोको मर्मत गर्न संस्थान इच्छुक छ तर सिलबन्दी भोटो अरू बेला खोल्दाको प्रक्रिया के हुन्छ, यो विचारणीय छ । “अरू बेला भोटो थैलीबाट झिक्नै हुन्न भन्ने पनि कतै उल्लेख छैन”, थपलियाले संस्थानले भोटोको वास्तविक अवस्था जान्न चाहेको बताएका छन् ।

    संवत् १४०० वर्षअघि राजा नरेन्द्रदेवका पालादेखि चलिआएको यो भोटो प्रदर्शनमा राणाकालमा भने पत्थर झरेको भोटोबाट केही धातु हराएको भन्ने अभिलेख छ । गुठी संस्थानका लगत प्रमुख राजेन्द्र दाहालका अनुसार अभिलेख यसो भए पनि पछि मर्मत भएको पाइएको अभिलेख छैन ।

    भोटो प्रदर्शन गर्ने एक समयका सहभागी गुठी संस्थानका अधिकृत रुद्रनाथ अधिकारीका अनुसार भोटो थैलीबाट झिक्दा खुम्चेको हुँदैन, कीराले खाएको पनि पाइन्न । वजनदार यो भोटो ¥यालेजस्तो छ, आङ् घुसाउन मिल्ने दुई पाटोको छैन । भोटो देखाउँदा पानी परेको बेला भिजेको पनि हुन्छ तर वर्ष दिनपछि थैली खोल्दा भोटोमा पानीको असर भेटिन्न ।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  आफ्नै जीवनको संस्मरण समेटिएको पुस्तक यमलोकको...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...