चितवन, २३ जेठओइसिसी मिस एसइई स्टार चितवन २०१८ को उपाधि भरतपुरकी निशा खत्रीले जितेकी छन् । एसइई परीक्षा दिएर बसेका विद्यार्थीलाई लक्षित गरेर लिभ एन्ड लिड इन्टरनेसनलले प्रतियोगिताको आयोजना गरेको हो।
निशाले प्रतियोगिताको टाइटलसँगै मिस फ्रेन्डसिपको उपाधि पाएकी छिन् । नारायणी नमुना माविबाट एसइई दिएकी उनले ५० हजार नगद र अक्सफोर्ड कलेजमा पूर्ण छात्रवृत्ति पाएकी छिन् ।
प्रतियोगितामा भण्डाराकी शीर्षक भण्डारी फस्ट रनरअप भइन् । ग्लो साइन एकेडेमीबाट एसइई दिएकी उनले नगद ३० हजारसँगै अक्सफोर्ड कलेजमा पूर्ण छात्रवृत्ति पाएकी छिन्।
सेकेन्ड रनरअफ भएकी भरतपुरकी ऋतिका रानाभाटले सब टाइटल तर्फ मिस मल्टिमिडिया र वेस्ट क्याटवाक प्राप्त गरिन् । ज्ञान दर्शन स्कुलकी विद्यार्थी उनले नगद २० हजार सहित ५० प्रतिशत छात्रवृत्ति पाएकी छिन् ।
रत्ननगरकी स्मृति रानाभाट थर्ड रनरअफ र भरतपुरकी शिवानी परियार फोर्थ रनरअप भए।
नेपाल डायरिजको व्यवस्थापन र कायाकैरन मिडिया नेटवर्कको सहकार्यमा आयोजना गरिएको प्रतियोगिताका लागि ८७ जनाले अडिसन दिएका थिए । अन्तिम छनौटमा परेका २६ जना बीचको अन्तिम प्रतिस्पर्धा शनिबार साँझ सम्पन्न भएको थियो । नेपाली सिने जगतका सुपरस्टार नायक राजेस हमालले बिजेताहरुलाई उपाधी दिएर हौसला प्रदान गरेका थिए ।
विद्यार्थीलाई कला क्षेत्र, सामाजिक तथा शैक्षिक अभियान र नेतृत्वदायी भूमिकामा सहभागि गराउन प्रतिस्पर्धा आयोजना गरिएको मिडिया कोअर्टिनेटर अनिल घिमिरेले जानकारी दिए ।