भक्तपुर, ९ साउनहिन्दुहरुका लागि साउन महिनाले विशेष अर्थ बोकेको छ । यो भगवान शिवको आरधना र उपासना गर्दै ब्रत बस्ने महिना हो । साउन महिनामा भगवान शिव स्वयम यस धर्तिमा आउने जनविस्वास रहेकोले उनलाई खुशी पार्न यो महिनाभरि जताततै शिव स्तुती सुन्न सकिन्छ ।
यहि साउनको पावन अवसर पारेर भक्तपुरका गायक कपिल कसपालले पनि आफ्नो शिव भजनको भिडियो सार्वजनिक गरेका छन् । ओम नमः शिवाय: ;ब्रम्हा बिष्णु महेश्वर बोलको उक्त भजनको भिडियो उनले आफ्नो अफिसियल युट्युब च्यानलबाट सार्वजनिक गरेका हुन् ।
गायक स्वयम्कै शब्द रहेको भजनमा संगीत वद्रीनारायण ताम्राकारको रहेको छ । भजनलाई अडियो नेपालमा रेकर्ड गरिएको हो भने संगीत संयोजन वुद्ध सायमीले गरेका छन् । राग रागिनी इन्टरटेनमेन्ट प्रा. लि.को प्रस्तुति रहेको भजनकोको निर्माण पार्वती श्रेष्ठले गरेकी हुन् ।
ओमकार टेलिभिजनको ब्यानरले भिडियो ब्यवस्थापन गरेको छ । भजनमा गायक कपिल कसपाल र संगीतकार बद्री नारायण ताम्राकारको अभिनय रहेको छ । भजनको भिडियो समेत गायक कपिलले नै निर्देशन गरेका छन् ।
विभिन्न प्रकारका गीत गाउने कपिल कसपालले भक्तपुरको सम्पूर्ण महत्व झल्काउने गीत पनि सार्वजनिक गर्ने तयारी रहेको जानकारी गराएका छन । ”अहिले साउनको पावन महिना भएकोले शिव भजन सार्वजनिक भएको हो ।” उनले भक्तपुर पोस्टसंग भने ।
कसपालले भजनलाई हेरेर आवस्यक प्रतिक्रिया दिई हौसला बढाईदिन समेत अनुरोध गरेका छन् ।
हेर्नुस् यो भिडियो