भक्तपुर, २८ साउनभक्तपुर नगरपालिका वडा नम्बर ९ का वडाध्यक्ष रविन्द्र ज्याख्वले आउदै गरेको गाइजात्रा पर्वलाई क्यामेरामा कैद गर्न आह्वान गरेका छन् । धेरै शब्द भन्दा एउटा फोटोले अर्थ बोक्ने बताउदै उनले गाइजात्रा लाई फोटो मार्फत बर्णन गर्नसक्ने फोटो खिच्न आह्वान गरेका हुन् ।
नगरपालिकाबाट फोटोग्राफी सम्बन्धी तालिम लिएका युवाहरुलाई मंगलवार बोलाएर वडाध्यक्ष ज्याख्वले उक्त आह्वान गरेका हुन् । फोटोले इतिहास बोक्ने बताउदै उनले गाइजात्रा लाई फोटो मार्फत बर्णन गर्नसक्ने फोटो खिच्नुपर्नेमा जोड दिए ।
”तपाइले खिचेको फोटो प्रमाणको रुपमा पछिसम्म रहने र यसले सँस्कृतिकर्मीहरुको सीप हस्तान्तरण गर्नमा पनि सहयोग मिल्ने हुनसक्छ ।” उनले भने ।
खिचिएका फोटाहरु नगरपालिकाले डकुमेन्टेशन गरिराख्ने जानकारी गराउदैं वडाध्यक्ष ज्याख्वले सहभागी फोटोग्राफरहरुलाई गाईजात्रा (सापारु)को दिनदेखि कृष्णाष्टमीसम्म खिचेका फोटोहरु मध्ये उत्कृष्ट १० वटा फोटो नगरपालिकामा बुझाइदिन समेत आग्रह गरे ।
उनले ३१ गते गाइजात्राको दिन दिनभरी र भाद्र १ गतेदेखि ६ गतेसम्म दिनको ३ बजेदेखि ५ बजेसम्म भक्तपुरको मुख्य मुख्य स्थानहरु (भक्तपुर दरबार स्क्वायर, टौमढी, दत्तात्रय, नासमना)मा हुने प्रदर्शनीको पनि फोटो खिची उपलब्ध गराउन भनेका हुन् ।
