भक्तपुर, ५ कात्तिक
भक्तपुर, ५ कात्तिक‘हामी पनि नाच्नुपर्छ बीच्चबीच्चमा’ बोलको गीत गाएर चर्चामा आएका गायक दुर्गेश थापा बिबादमा तानिएका छन् । पछिल्लो समय ‘ ह्याप्पी तिहार, चीसो बियर’ बोलको गीत गाएपछि उनी बिबादमा तानिएका हुन् ।
उक्त गीतमार्फत युवाहरुलाई कुलतमा फसाउन प्रेरित गरेको भन्दै उनको आलोचना भएको छ । त्यतिमात्र होइन, कानुनले प्रतिबन्धित गरेको गाँजा खाने कुरालाई गीतमा गाएपछि दुर्गेशलाई प्रहरीले पक्राउ गर्ने बताइएको छ ।
ह्याप्पी तिहार, चीसो बियर’ बोलको गीतमा उनले ए निकाल गाँजा , खानुपर्छ आज…भनेर गाएपछि उनीमाथि मुद्दा परेको र उनलाई पक्राउ गर्न प्रहरीले खोजी गरिरहेको प्रहरीले पुष्टी गरेको छ ।
जिप्रका काठमाडौमा उनी उपर उजुरी परेपछि अपराध अनुसन्धान महाशाखाले उनको खोजी भैरहेको जनाएको हो ।