भक्तपुर, ५ कात्तिक गायक दुर्गेश थापाले ‘ह्याप्पी तिहार, चीसो बियर’ बोलको गीत युट्युब बाट हटाएका छन् ।
ह्याप्पी तिहार, चीसो बियर’ बोलको गीतले युवालाई कुलतमा फस्न प्रेरित गरेको भन्दै उजुरी परेपछि प्रहरीले उनलाई मंगलवार पक्राउ गरेको थियो ।
सीडीओ कार्यालय काठमाडौमा उनी उपर परेको उजुरीमा प्रहरीले पक्राउ गरी उपस्थित् गराएपछि गायक दुर्गेशले माफी माग्दै उक्त गीत युट्युबबाट हटाएसंगै उनी मंगलवार नै रिहा भएका अपराध अनुसन्धान महाशाखाले जनाएको छ ।
ह्याप्पी तिहार, चीसो बियर’ बोलको गीतमा उनले बियर खान मात्र उक्साएका छैनन् । ए निकाल गाँजा , खानुपर्छ आज…भनेर प्रचलित कानुनद्वारा प्रतिबन्धित गाँजा खाने कुरा पनि गरेका छन् ।
गायक थापाले आफ्नो गीतमा अन्जानबस ती शब्दहरु परेको भन्दै क्षमायाचना गरेका छन् । आफूले उक्त गीत युट्युब बाट हटाएको जनाउदै उनले त्यसलाई कपी गरेर राखेको भए प्रकाशन/प्रशारण नगरिदिन पनि अनुरोध गरेका छन् ।
त्यतिमात्र होइन गायक थापाले आगामी दिनमा यस्ता सामाजिक , सास्कृतिक सद्भावमा खलल पुर्याउने गीत नगाउने पनि प्रतिवद्धता प्रकट गरेका छन् ।
उनको गीत यदि तपाईले पनि कपि गरेर राख्नु भएको छ भने शेयर नगर्नुहोला अन्यथा तपाइमाथि पनि कानुन आकर्षित हुने सम्भावना रहन सक्छ । गायक थापाको ुह्याप्पी तिहार’ गीतले तिहार अन्ह्याप्पी नहोस् । सजग रहनुहोला ।
हेर्नुस् गायक दुर्गेश थापाको प्रतिबद्धता
