भक्तपुर, ७ कात्तिकतत्कालिन माओबादी जनयुद्धमा लागेकी एक युवतीलाई सेनाद्वारा कुकुरबाट बलात्कार गराईएको समाचारप्रति नेपाली सेनाले आपत्ति जनाएको छ । नेपाली सेनाले विज्ञप्ति मार्फत समाचारप्रति आपत्ति प्रकट गरेको हो ।
सैनिक जनसम्पर्क तथा सूचना निर्देशनालयले बुधवार एक विज्ञप्ती जारी गर्दै उक्त समाचार राष्ट्रकै संवेदनशील सस्थाप्रति सुनियोजित रुपमा भएको प्रचारबाजी हुनसक्ने आशंका व्यक्त गरेको छ । यस्ता अपराधका लागि कुकुरलाई तालिम दिने नेपाली सेनाको नीति र क्षमता दुवै नरहेको पनि विज्ञप्तिमार्फत बताइएको छ ।
सेनाको विज्ञप्तीमा भनिएको छ ‘नेपाली सेनाको छविमा आँच पुर्याउन सक्ने तथा आमजनमानसमा सेनाप्रतिको आस्था तथा विश्वासमा समेत ठेस पुग्न सक्ने देखिएबाट प्रकाशित समाचारप्रति नेपाली सेना ज्यादै नै संवेदनशील रहेको व्यहोरा समेत अवगत गराउन चाहन्छौ ।’ सेनाले घटनाको सत्यतथ्य पत्ता लगाई कारवाही गर्न प्रतिवद्ध रहेको प्रष्ट पार्दै निर्धक्क उजुरीको लागि आह्वान समेत गरेको छ ।
हेर्नुस् विज्ञप्ति
याे पढ्नु भयाे ?
किसोरीमाथि क्रुर यौन हिँसाको घटना बाहिरियो : नाङ्गै बनाई कुकुरबाट बलात्कार गराइयो
