नेपाल पञ्चाङ्ग निर्णायक समितिले दैवज्ञ ज्योतिष तुलसीराम जोशीको स्मृतीमा शोकसभा सम्पन्न गरेको छ । समितिको सेतोपुलस्थित कार्यालयमा आइतवार शोकसभा सम्पन्न गरिएको हो ।

समितिका पूर्व सदस्य समेत रहेका जोशीको गत १२ गते ८९ वर्षको उमेरमा निधन भएको थियो । उनको निधनले समिति मर्माहत भएको समितिका सदस्य सचिव पं ज्योतिष सूर्य प्रसाद ढुंगेलले बताए । दिवंगत आत्माको चीर शान्तिको लागि शोक सभा आयोजना गरिएको उनको भनाइ छ ।

शोक सभामा नेपाल पञ्चाङ्ग निर्णायक समितिका अध्यक्ष प्रा.डा. रामचन्द्र गौतम ,समितिका पूर्व अध्यक्ष एवं अध्यक्ष धर्मसभा नेपालका अध्यक्ष प्रा डा. माधव भट्टराई ,विश्व ज्योतिष परिषद्का डा. लोक राज पौडल त्यसैगरी प्रा. श्री कृष्ण अधिकारी (वाल्मिकि संस्कृत क्याम्पस)
पुरोहित संघका लीला आचार्य, नेपाल ज्योतिष परिषद्का अध्यक्ष माधवराज पाण्डे, पन्च ओमकारका शशीधर जोशी लगायत ज्योतिष पण्डितहरु सहभागी भएका थिए ।

सहभागीहरुले फलित ज्योतिष विषयमा जोशीको उच्च विद्वताको प्रशंसा गर्दै दिवंगत जोशीको फोटोमा माल्यार्पण गर्नुका साथै उनको उत्तम गतिका लागि इश्वरसंग प्रार्थना गरेका थिए ।