News Portal

  • भक्तपुरमा सम्यक महादान पर्व भव्यरुपमा मनाउने तयारी

    भक्तपुरपोस्ट संवाददाता भक्तपुर, २८ पुस
    २८०५ पटक
    भक्तपुर, २८ पुस

    भक्तपुरमा सम्यक महादान पर्ब माघ १ गते भब्यरुपमा मनाउदैं छ । नेपाल सम्वत ७९४साल देखि चल्दै आएको सम्यक महादान पर्व भक्तपुरको थथुवही (भक्तपुर मिनिबस पार्क, नःपुखु) स्थित जयकिर्ति महाविहारमा गरिन्छ । भक्तपुर नगर भित्र रहेको पाँच दिपंकार बुद्धहरुलाई प्रत्येक बर्ष जयकिर्ति महाविहार थथुवहीमा ल्याएर सम्यक महादान पर्व मनाउने चलन छ ।

    सम्यक महादान ब्यवस्थापन समिति तथा नेवा पत्रकार राष्ट्रिय दबु भक्तपुर शाखाले आयोजना गरेको पत्रकार भेटघाट कार्यक्रममा माघे सक्रान्तीको दिन मनाउने सम्यक महादान पर्वमा दान दिनाले दुःख नाश गरी पुण्य बढाएर बोधि ज्ञानको मार्गमा प्रतिष्ठित गरी निर्वाणमा पुर्याउने , रोग द्वेष लोभ आदि मारगुण नाश गरी दिने जन विश्वास रहेको समितिका सचिव रवि किरण बज्राचार्यले बताउनुभयो ।
    सम्यक महादानमा दान गर्ने वस्तुहरु यस प्रकारका छन् ।

    गेडागुडिको परिकारहरु — १.गोमाय्, २.बालामाय्, ३.ह्याउँमाय्, ४.गोमू, ५.कसू, ६.तुइमुस्या, ७.सिइमुस्या, ८.मस्यांचा, ९.जरिग्व, १०.कोंल, ११.भुति
    सागसब्जीहरु — १.इकंचा, २.मिच, ३. वप्स, ४ म्हुकं, ५ चिम्हुकं, ६.वाकंचा, ७.सकिमुथ, ८.स्वाँचा, ९.कलांचा, १०.काउली, ११.तुकंचा, १२.आमलि, १३.कछें, १४.कच, १५.सिमल, १६.पाछैचा, १७.तुकंचा, १८.मिच

    मिठाई — १.लड्डु, २.पुरि, ३.घ्योचाकु, ४.पंचपकुवान, ५.चतांमरि २ वटा, ६.माय् व १ वटा,
    फलफुल — १.देलचा, २.वल, ३.सतवेल, ४.अम्ब, ५.चयपि, ६.खय्पि, ७.तु,
    धौ दुरु — १.धौ, २.दुरु
    मिठाइ — मरिप्वः , यी माथि उल्लेखित नामहरु सबै नेपाल भाषाबाट लेखिएको हो ।

    यी माथि उल्लेखित सवै परिकार राखी सकेपछि ती राख्न जाने लकमिहरुलाई भित्र घ्योचाकू राखेर पालुं भोजन गराइन्छ ।

    भक्तपुरको सम्यक् नियमित सम्यक् महादान हो । यस पर्वमा भक्तपुर नगर बाहेक अन्य स्थानबाट देवताहरु ल्याएको हुँदैन । उक्त सम्यक्मा निमन्त्रणा गर्ने दीपंकर बुद्धकामूर्तिहरुका साथै संघ सदस्यहरुमा वज्राचार्य, बुद्धाचार्य र शाक्यहरु निम्न प्रकारका हुन् ।

    देवताहरुमा सम्यक् गुठि परिवारको कूलदेवता हेबज्र नैरात्मा प्रशन्नशील महाविहाको देवता लोकेश्वर र मूल दीपंकरबुद्ध, चतुब्रम्ह महाविहारको दीपंकरबुद्ध, मंगलधर्म द्विप महाविहारझौरवही गाल्मढि टोलको दीपंकरबुद्ध, जयकिर्ति विहार थथुबही इटाछेँको दीपंकरबुद्ध, बौद्ध समकृत विहार कुथुबही भार्वाचोको दीपंकरबुद्ध, सम्यक् महादान गुठिका संस्थापक लगायत वहाँका वंशजहरु श्री बज्राचार्य जयरत्नको नाममा ने.सं. ८०७ सालमा स्थापित, श्री वज्राचार्य जयमूनिले स्थापित, श्री वजाचार्य जयधर्मले स्थापित र श्री वज्राचार्य पूर्णराजले स्थापित सम्यक् महादान गरि स्थापना गरेका सुवर्णवर्णका चार सम्यक देवताका मूर्तिहरु तथा सम्यक् महादान आयोजना गर्दा आयोजकबाट स्थापना गरेका रम्यकूटागार शैलीको वज्रधातुचैत्य हुन् ।

    त्यस्तै बौद्धसंघहरुमा भक्तपुरको सबै संघको सबभन्दा जेष्ठ संघनायक पशुपति महाविहारकोस्थविर आजु, सम्यक् महोत्सवको विधि विधान अनुसार कार्य सम्पन्न गर्ने मूल आचार्य गुरु र उपाध्याय गुरु लगायत भक्तपुर नगरभित्र स्थापित परम्परागत बाहाःहरुका संघ सदश्य शाक्य बज्राचार्यहरुलाई निमन्त्रण गरि दान गरिन्छ ।

    प्रतिकृया दिनुहोस्

    पानी पटाउँदा करेन्ट लागेपछि भक्तपुरमा एक किसानको निधन

    खेतमा पानी लैजाने क्रममा करेन्ट लागी भक्तपुरमा एक किसानको ज्यान गएको छ । भक्तपुर नगरपालिका...

    आज मध्यपुर थिमिमा हात्ती माथि नाँच देखाइने

    मंगलबार मध्यपुर थिमिका विभिन्न स्थानमा पुलु किसि नाच देखाइने भएको छ। करिव चार वर्षपछि आज...

    भक्तपुरमा सहकारीकर्मीको बागमती प्रदेश समिट हुने

    बागमती प्रदेश बचत तथा ऋण सहकारी संघ (बागमती प्रोस्कून) को आयोजनामा यही फागुन १६ र...

    ७१ वर्षमा विवाह

    डोटीको जोरायल गाउँपालिका-५ भाम गाउँका ७१ वर्षीय वृद्धले आफ्नो प्रेमलाई विवाहमा परिणत गरेका छन् ।...

    अन्ना स्टिरले पाउने भइन् यो वर्षको कालीभक्त पन्त लोकसाहित्य अन्तर्राष्ट्रिय पुरस्कार

    फलेवास पर्वत । कालीभक्त–कृष्णा पन्त स्मृति प्रतिष्ठानद्वारा स्थापित कालीभक्त पन्त लोकसाहित्य अन्तर्राष्ट्रिय पुरस्कार २०८० अमेरिकन...