News Portal

  • गोंगबुकाे क्रुर हत्याकाण्डले पढाउने पाठ

    बुद्ध शरण शाही२८ साउन २०७७
    १३५७ पटक
    २८ साउन २०७७

    काेराेना भाइरस (काेभिड १९) ले सर्वत्र त्रास छाइरहेका बेला राजधानीकाे गाेंगबुमा घटेकाे घटनाले अहिले सबैकाे ध्यान तानेकाे छ । गत आइतबार शरिर र टाउकाे अलग अलग ठाउँमा रहेकाे अवस्थामा शव भेटिएपछि मानिसहरु त्रसित बने । प्रहरीले याे घटना एक महिलाले गरेकाे भन्दै जब पक्राउ गर्याे त्यसपछि झनै चकित पार्याे सबैलाइृ । एक महिलाले यति विभत्स हत्या कसरी गर्न सक्छिन् भन्दै यसमा अरु मानिसहरुकाे सम्लग्नता हुनसक्छ भन्ने अनुमान गरिए । प्रहरीले पनि त्यही आशंकामा अनुसन्धान गर्याे । तर, प्रहरीकाे प्रारम्भिक अनुसन्धानले घटनामा महिलाकाे मात्र हात रहेकाे भन्ने खुलेकाे छ र प्रहरीले महिलालाइ मंगलबार सार्वजनिक समेत गरिसकेकाे छ ।

    पछिल्लाे समय समाजमा अपराधका प्रकृति बढ्दा छन् । धेरैखाले अपराधलाइ गहिरिएर अध्ययन गर्ने हो भने आर्थिक लेनदेन, अबैध सम्बन्ध, इर्श्या,अस्वभाविक प्रतिस्पर्धा आदि जाेडिन्छ । अपराधका घटना सामाजिक सञ्जालले बढावा दिएकाे देखिन्छ । सामाजिक सञ्जालबाटै जाेडिएर बिभत्स हत्यासम्म पुगेका धेरै घटनाहरु बाहिर आएका छन् । मंगलबारकाे घटनामा पनि पक्राउ परेकी महिलाले प्रहरीसँगकाे बयानमा यस्तै कुरा जाेडेकी छन् । धनले सम्पन्न भएपछि मानिस सुखसयलको खोजी र यौन तृप्तिमा लिन हुन थाल्छ । समाजमा यसखालकाे चिन्तन बढ्दै गएकाे छ ।

    शनिबार मध्यरातमा गोंगबु गणेशस्थानमा हत्या गरिसकेपछि मृत शरिरलाइ टुक्राटुक्रा पार्ने कार्य कसरी भयाे भन्ने कुरा अहिले सबैकाे मनमा लागिरहेकाे छ । आखिर एक महिलाले यसरी हत्या नै गर्नु पर्ने कारण के हो त ? ती महिलालाइ हत्यापछिको परिणामका बाेमा के थाहा थिएन हाेला ? मानिसहरु प्रश्न गरिरहेका छन् । मानव हत्यासहितका यस्ता अपराधमा सम्लग्न अधिकांश घटनामा प्रहरी अनुसन्धान सफल भएकाे छ । केही अपवाद वाहेक हत्या, बलात्कार, अपहरण जस्ता घटनामा सम्लग्नहरुलाइ प्रहरीले पक्राउ गरेर न्यायकाे कठघरामा उभ्याएकाे छ । त्यसपछि अपराधमा सम्लग्नहरुप्रति समाजकाे नजर कस्ताे हुन्छ भन्ने उनीहरुले नदेखेका हाेइनन् । समाजले उनीहरुलाइ थुक्ने घृणा गर्ने गरे पनि यस्ता घटना भने कम भएका छैनन ।

    प्रहरीसँगकाे बयानमा गाेंगबु घटनाकी अभियुक्त कल्पना मुडभरीले आफ्नो नाममा फेक एकाउन्ट खाेलेर बेइज्जती गरिएकाे बताएकी छन् । मृतक बाेहराले आफ्ना अस्लिल तस्बिर सामाजिक संजालमा सार्वजनिक गरिदिने भन्दै धम्की दिने गरेकाे र त्यसकाे अत्यधिक दुरुपयाेग गरेकाे पनि उनले बयानमा भनेकी छन । तर, ती कुराले नै उनले गरेकाे हत्या सही कदापी ठहर्याउँदैन । के उनीसँग कानुनी समाधान छँदै थिएन त ? उनलाइ त्याे खालकाे धम्की दिइएकाे थियाे भने, त्याे खालकाे शाेषण भएकाे थियाे भने उनले कानुनी उपचार खाेज्न सक्थिन । तर, त्यता नगएर उनी क्रूर अपराधमा पुगिन् ।

    समाजमा यस्ता घटना निरन्तर छन् । सामाजिक सञ्जालकाे दुरुपयाेगले यस्ता घटना बढाइरहेका छन् । वैदेशिक राेजगारी बढेसँगै सामाजमा विकृतिहरु पनि बढेका छन् । वैदेशिक राेजगारीले धेरै परिवारकाे विघठन मात्र हाेइन, अपराधकाे सिलसिलासमेत बढ्दाे देखिन्छ  । प्रश्न उठेकाे छ वैदेशिक राेजगार कति सुरक्षित छ खासगरी महिलाका लागि ? वैदेशिक राेजगारीमा गइसकेपछि पैसा कमाइसकेपछि मानिसका मनमा अनेक साेच विकास हुने गरेका छन् । यसले समाजमा क्रमश: भयावह स्थिति फैलाएकाे छ । यसका लागि समाजिक काउन्सिलिङकाे व्यवस्था जरुरी देखिन्छ । साथै वैदेशिक राेजगारीमा जानेहरुका परिवारलाइ समाज र राज्यका निकायले पनि विशेष काउन्सिलिङ गर्नुपर्ने जरुरी पनि देखिन्छ । त्यसका लागि राज्यले छुट्टै संरचना नै निर्माण गर्नुपर्ने अवस्था आइसकेकाे छ ।

    त्यसैगरी सामाजिक सञ्जालकाे प्रयाेग र दुरुपयाेगका बारेमा पनि गहिराे अनुसन्धान जरुरी छ । सामाजिक सञ्जालबाट जाेडिएका अधिकांश सम्बन्धहरु अन्तत: टुक्रिएकाे देखिन्छ । ती सम्बन्धहरुले खराब परिणाम निम्त्याएकाे देखिन्छ । यदि याे कुरा भइरहेकाे छ भने यसकाे समाधान पनि राज्यले खाेज्नुपर्छ । सामाजिक सञ्जालकाे प्रयाेगका बारेमा आचारसंहिता पनि जारी गरिनु जरुरी देखिएकाे छ । हरेक स्थानीय तहहुँदै परिवारसम्म सामाजिक सञ्जाल प्रयाेगका फाइदा र वेफाइदा, यसबाट निम्तिन सक्ने दुर्घटना वा खराब परिणामका बारेमा सचेतना पनि चलाउन जरुरी भइसकेकाे छ ।

    ( शाही फाेटाे पत्रकार हुन् )

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...