News Portal

  • ४०० करोड लगानीमा तयार हुनेछ प्रभास–सैफ अली खानको ‘आदिपुरुष’

    ९९० पटक

    एजेन्सी । साउथ इन्टष्ट्रिका सुपरस्टार प्रभासले ‘बाहुबली’ मार्फत् दर्शकको मन मुटुमा यस्तो छाप छोड्न सफल भएका छन् कि मानिसहरु उनको अर्काे फिल्मको व्यग्र प्रतिक्षा गर्ने गर्छन् । गत वर्ष प्रभासको ‘साहो’ रिलिज भएको थियो जसले राम्रै व्यापार गर्न सफल भएको थियो र उक्त फिल्मको बजेट पनि ३५० करोड थियो ।

    अब प्रभास चाँडै नै ओम राउतको फिल्म ‘आदिपुरुष’ मा देखिने भएका छन् । प्रभासको यो फिल्मको बटेज पनि निकै धेरै हुने बताइएको छ ।

    भारतीय मिडिया पिंकभिल्लामा प्रकाशित समाचार अनुसार प्रभासको नयाँ फिल्म आदिपुरुष ३५० देखि ४०० करोडको बजेटमा बन्नेछ ।

    फिल्मका निर्देशक ओम राउतले वेबसाइटसँगको कुराकानीमा भने, ‘मैले पछिल्ला थुप्रै दिनेदखि यसमाथि अनुसन्धान गरिरहेको थिएँ र यस्तो गर्नका लागि लकडाउनले मेरो असाध्यै मद्दत गर्यो । आदिपुरुषको विषयमा मेरो दिमागमा जस्तो स्क्रिप्ट थियो फिल्म ठ्याक्कै त्यस्तै बनेको छ । मैले एकवर्ष अघि नै यसको स्क्रिप्ट लेखेर राखेको थिएँ । तर अहिले हामीले यसमा धेरै नै परिवर्तन गरेका छौं । तान्हाजी द अनसंग वारियरको अत्यधिक सफलतापछि मानिसहरु आदिपुरुषमा पनि यस्ता भिजुअल हेर्न चाहन्छन् । यस्तै यतिबेला प्रभास भारतका सबैभन्दा ठूला सुपरस्टार हुन् । त्यसैले जब हामीले यो फिल्मबाट बतायौं तब उनी निकै खुसी भए । उनीभन्दा राम्रो हिरो हामीले पाउन सक्दैनथ्यौं ।’

    एक स्रोतले वेबसाइटसँगको कुराकानीमा भने, ‘मानिसहरु यतिबेला आफ्नो प्रोडक्सन र बजेटमा कटौती गरिरहेका छन् र ओम राउत र भुषण कुमार ९फिल्मका निर्माता० केही ठूलो गर्ने सपना देखिरहेका छन् । यो फिल्म सबैभन्दा ठूलो भारतीय फिल्म हुनेछ जो कोभिड–१९ पछि हलमा रिलिज हुनेछन् । यसमा जुन प्रकारको भीएसएक्सको प्रयोग गरिएको छ त्यो तपाईंले कुनै पनि भारतीय फिल्ममा अहिलेसम्म देख्नुभएको छैन । त्यसैले यो फिल्मको बजेट ३५० देखि ४०० करोडको हुनेछ ।’

    स्मरण रहोस्, आदिपुरुषमा प्रभासबाहेक सैफ अली खान पनि मुख्य भूमिकामा हुनेछन् जो नेगेटिभ भूमिकामा देखिनेछन् । फिल्म सन् २०२२ मा थुप्रै भाषा जस्तै हिन्दी, तेलुगु, तमिल, मलयालम र कन्नड भाषामा रिलिज हुनेछ ।

    प्रतिकृया दिनुहोस्

    अक्सफोर्डका विद्यार्थीलाई आत्मविश्वास, सहकार्य र निर्देशनको पालना सम्बन्धी अभिमुखीकरण

    भक्तपुर १ सल्लाघारीस्थित अक्सफोर्ड प्राक्टिकल स्कुलले विद्यार्थी मार्ग निर्देशन, प्रतिभा पहिचान तथा पुरस्कार वितरण कार्यक्रम...

    लौहकिन्थलीस्थित मझेरी क्याफेमा छापामार्दा १६ जना समातिए

    भक्तपुरको मध्यपुर थिमी १ लौहकिन्थलीस्थित मझेरी क्याफेमा छापामारी प्रहरीले १६ जनालाई समातेको छ । उक्त...

    विश्व डाउन सिन्ड्रोम दिवसमा समावेशी शिक्षा र जिविकोपार्जन सम्बन्धी गोष्ठी सम्पन्न

    हरेक वर्ष बिश्व डाउन सिन्ड्रोम दिवसको अवसरमा विभिन्न कार्यक्रमहरू आयोजना गर्दै आइरहेको डाउन सिन्ड्रोम समाज...

    नेराकस (निजामती) को बागमती प्रदेशमा ढुंगानाको अध्यक्षतामा २१ सदस्यीय नयाँ कार्यसमिति

    नेपाल राष्ट्रिय कर्मचारी संगठन (निजामती) को बागमती प्रदेश अध्यक्षमा श्रवण ढुंगाना निर्वाचित भएका छन् ।...

    पारिवारिक दुश्मनीले लियो ११ जनाको ज्यान

    पाकिस्तानमा एक प्रमुख स्थानीय राजनीतिज्ञसहित एघार व्यक्तिको हत्या भएको छ । बन्दुकधारीहरुले मङ्गलबार सो नरसंहार...