News Portal

  • भक्तपुरमा साउन ४ र ५ गते अमेरिकी खोप लगाइने

    भक्तपुरपोस्ट संवाददाता भक्तपुर, ३१ असार २०७८
    ९८३ पटक
    भक्तपुर, ३१ असार २०७८

    भक्तपुरमा २० हजार बढीलाई कोभिड १९ विरुद्धको अमेरिकी खोप लगाइने भएको छ । साउन ४ र ५ गते उक्त खोप लगाइने कार्यक्रम रहेको हो ।

    जोन्सन एन्ड जोन्सनको अमेरिकी खोप ५० देखि ५४ वर्ष उमेर समूहका मानिसलाई लगाइने कार्यक्रम रहेको जिल्ला स्वास्थ्य कार्यालय भक्तपुरका खोप अधिकृत प्रेमबहादुर श्रेष्ठले जनाएका छन् ।

    खोप अधिकृत श्रेष्ठका अनुसार उक्त खोप ५० बर्ष देखि ५४ वर्ष उमेर समूहबाहेक अपाङ्गता भएकाहरुका लागि पनि उपलब्ध भएको छ । उनले भक्तपुरका लागि पर्याप्त खोप उपलब्ध भएको समेत भनेका छन । भक्तपुरमा रहेका ५० देखि ५४ वर्ष उमेर समूहका करिब १५ हजार जनसंख्या त्यसैगरी अपाङ्गता भएकाको हकमा सबै उमेर समूहका जनसंख्या र स्वास्थ्यकर्मी तथा सरसफाईकर्मीहरुलाई समेत अमेरिकी खोप दिइने बताइएको छ । भक्तपुरमा साउन ४ र ५ गते सबै गरी करिब २० हजार जनसंख्याले अमेरिकी खोप लगाउने जिल्ला स्वास्थ्य कार्यालय भक्तपुरको अनुमान छ ।

    अमेरिकी खोप एक डोज मात्रै लगाए पुग्ने बताइएको छ । यसका लागि जिल्लाका सबै नगरपालिकाका सबै वडाहरुमा खोप केन्द्र कायम गरिएको छ भने जिल्ला स्थित केहि अस्पतालमा समेत गरी ४० खोप केन्द्र रहेका छन् ।

    पत्रकारसंगको अन्तरक्रियामा खोप अधिकृत श्रेष्ठले अमेरिकी खोप सुरक्षीत रहेको अध्ययन र अनुसन्धानले पुष्टि गरेको भन्दै ढुक्क भएर खोप लगाउन सकिने बताएका छन् । खोप लगाउदा भवितव्य वा अन्य भित्रि रोगका कारण कुनै नकारात्मक प्रभाव देखिए यस्तो अवस्थाको लागि बिज्ञ चिकित्सकसहितको टोली तैनाथ गरिएकोले नकारात्मक प्रभाव देखिए तुरुन्त सम्पर्कमा आउनुपर्नेमा उनले जोड दिएका छन् ।

    खोप अधिकृत श्रेष्ठले भक्तपुरको खोप केन्द्रहरु व्यवस्थित रहेको र खोप दुरुपयोग समेत नभएको दावी गरेका छन् । उनले राजधानी काठमाडौमा भन्दा भक्तपुरमा खोप कार्यक्रम प्रभावकारी ढंगले अघि बढिरहेको समेत बताए । भक्तपुरमा १८ प्रतिसत जनसंख्याले कोभिड बिरुद्धको खोप पाइसकेको उनको भनाइ छ ।

     

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...