News Portal

  • इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    बुद्धशरण शाही/ भक्तपुरपोस्ट काठमाडौं, २९ भदौ २०७८
    ८४४ पटक
    काठमाडौं, २९ भदौ २०७८

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने चासो बढेको छ। अघिल्लो बर्ष कोभिडका कारण प्रभावित जात्रा संक्रमणको जोखिम कायमै रहेकाले कसरी सम्पन्न गर्ने भन्ने चासो बढेको हो ।

    असोज ३ गतेबाट सुरुहुने जात्रा सुरक्षित तरिकामा मनाउने बारे जात्रा संग सम्वन्धित बिभिन्न गुठि , समाजका प्रतिनिधि र प्रहरी प्रशासनबीच छलफल भएको छ। यसैबीच वरिष्ट प्रहरी उपरिक्षक तथा महानगरीय प्रहरी परिसरका प्रमुख अशोक सिंहले यस बर्षको इन्द्रजात्रा समुदायसंग समन्वय गरि शान्ति सुरक्षाको प्रत्याभूत हुने गरि ब्यवस्थित ढंगबाट मनाउन प्रहरी प्रसाशनको भूमिका सहयोगी हुने प्रतिवद्धता प्रकट गरेका छन् ।

    इन्द्रजात्रा ब्यबस्थापन समिति र महानगरीय प्रहरी वृत्त जनसेवाको संयुक्त आयोजनामा आयोजित अन्तरक्रिया कार्यक्रममा वरिष्ठ प्रहरी उपरीक्षक सिंहले संसारभर नेपाली मौलिक परम्पराको परिचय दिने भएकोले इन्द्रजात्रा सभ्य ,सुरक्षित तरिकाले मनाउनमा मुख्य भूमिका समुदायको रहने स्पष्ट पारे । पर्व मनाउदा विगतमा हुनेगरेको कमि कमजोरीलाइ छलफलको मध्यम बाट सुधार गरिने र महामारीलाइ मध्य नजर गर्दै नागरिकलाई सुरक्षित बनाउन प्रहरीले समन्वयात्मक भूमिका निर्वाह गर्ने उनले जानकारी दिए ।
    यसैगरी जनसेवा वृत्त प्रमुख दानबहादुर मल्लले जात्रा आवद्द गुठि , समाजका प्रतिनिधिलाई जात्रा अवधि भरि प्रहरी / समुदाय बीच समन्वयकारी भूमिका खेल्न आग्रह गरे ।

    काठमाडौँ महानगर पालिका २२ वडा अध्यक्ष चिनिकाजी महर्जनले मौलिक जात्रा पर्व मनाउन समाज आफै सचेत हुनु जरुरी रहेको बताए । सबै जिल्लाका मानिसको कर्मथलो काठमाडौँ भएको हुनाले उपत्यकामा हुने मौलिक पर्वको बारेमा उनीहरुलाई पनि जानकारी गराउदा सहज र सुरक्षित ढंगबाट जात्रा सम्पन्न गर्न सक्ने उनको भनाइ छ ।

    जनसेवा सामुदायिकका उपाध्यक्ष पबित्र बज्राचार्यले जात्रा पर्व मनइनु अगाडी कुन कुन स्थानमा सडक अवरुद्द हुने हो भन्ने सबैमा पूर्व जानकारी भए जात्रामा ब्यावधान उत्पन्न नहुने विचार ब्यक्त गरे ।

    कार्यक्रममा बिभिन्न गुठि ,समाजका प्रतिनिधिले बिगतमा ट्राफिक ब्यबस्थापन ब्यबस्थित कमजोर हुने गरेका कारण जात्रामा धेरै अनावश्यक भिड तथा ब्यावधान हुने गरेकोले यस पटकको पर्वमा सम्बन्धित निकायले ध्यान दिनुपर्ने सुझाए दिए ।
    कार्यक्रममा बिभिन्न वडाका अध्क्षय ,सुरक्षा निकायका प्रतिनिधि , गुठिका प्रतिनिधिहरु सहभागी थिए।

    भाद्र शुक्लपक्ष यँलाथ्व द्वादशीका दिन इन्द्रध्वजोत्थानबाट सुरू भई यँलागाः चौथी अर्थात् इन्द्रध्वज पतनसम्म आठ दिन विभिन्न नाच, गान, रथयात्रा गरी यो जात्रा सम्पन्न गरिन्छ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...