भक्तपुर, ११ कात्तिक २०७८भक्तपुर क्षेत्र नम्बर १(क)का प्रदेश सांसद कृष्णलाल भँडेल बागमती प्रदेश सरकारमा भौतिक पूर्वाधार विकास मन्त्री बनेका छन् । मुख्यमन्त्री राजेन्द्र पाण्डे नेतृत्वको बागमती प्रदेश सरकारमा भँडेल भौतिक पूर्वाधार विकास मन्त्री भएका हुन् ।
सांसद हरिशरण लामिछानेको असमायिक निधनपछि रिक्त पदपूर्तीका लागि भएको उपनिर्वाचनमा नेपाली काँग्रेस भक्तपुरका नेता भँडेल बाम गठबन्धनका उम्मेदवार डिपी ढकाललाई पराजित गरी सांसद बन्न सफल भएका थिए । बाम गठबन्धनमा आएको विभाजनले अन्तत: भँडेलको मन्त्री बन्ने भाग्य खुलेको हो । भँडेल बागमती प्रदेश सभामा नेपाली काँग्रेस संसदीय दलका उपनेता समेत हुन् । उनको नियुक्तिसंगै नेपाली काँग्रेस भक्तपुरमा खुशीयाली छाएको छ ।
विहिवार प्रदेश प्रमुख यादवचन्द्र शर्माले भँडेलसहित नवनियुक्त मन्त्रीहरुलाई शपथ ग्रहण गराएका छन् । शुरुमा बागमती प्रदेशका नवनियुक्त मुख्यमन्त्री राजेन्द्र पाण्डेले पद तथा गोपनीयताको शपथ लिएका थिए। पाण्डेको मन्त्रीमण्डल तीन सदस्यीय बनेको छ । जसमा कृष्णप्रसाद खनाल आन्तरिक मामिला, भँडेल भौतिक पूर्वाधार र कुमारी मोक्तान सामाजिक विकास मन्त्री रहेका छन्।
अष्टलक्ष्मी शाक्यले मुख्यमन्त्री पदबाट राजीनामा दिएपछि नेकपा (एकीकृत समाजवादी)राजेन्द्र पाण्डेले प्रदेशसभाका बहुमत सदस्यको समर्थनसहित मुख्यमन्त्रीमा दावी पेश गरेका थिए । पाण्डेले नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी)का १/१ जना नेता समावेश गरी मन्त्रिपरिषद विस्तार गरेका हुन् ।
यो पनि
ढल्यो भक्तपुरको कम्युनिष्ट किल्ला : काँग्रेसका भडेल भारी मतले बिजयी