भक्तपुर, २० असार २०७९नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा सहभागिता रहनेगरी पत्राचार गरेको बताएका छन् । संसदमा समय लिएर सोमबार संबोधन गरेका ओलीले आफूले अमेरिकाबाट नेपाल एसपीपीमा सामेल भएको भन्ने रिपोर्टपछि आफूले नै रोकेको बताए ।
ओलीले संसदमा भने, “मैले बाहिर बाहिर सुन्छु नेपाली सेना यस्तो चर्चामा आउनुपर्ने संस्था होइन । तर, किन आयो भने सेनाले सोझै विदेशी दुतावासमा पत्राचार गर्यो , सेनाले त्यसरी आफै पत्राचार गर्दैन ।” “मैले भनिरहनु पर्दैन । संविधान जारी हुँदा प्रधानमन्त्री को थियो, असोज ६ गते मन्त्रीस्तरीय निर्णय गर्दा रक्षामन्त्री प्रधानमन्त्री को थियो । त्यसवेलाका सचिव अहिले त उहाँ पत्राचार गराउँदा जानकारी गराइएको थियो भन्नुहुन्छ । यस कुराको सत्य तथ्यको सम्बन्धमा तत्कालिन सेनापति राजेन्द्र क्षत्रीसँग कुरा गरे हुन्छ,” ओलीले भने, “म संलग्न भएर कुनै पत्राचार भएको भए प्रमाण ल्याउनुहोस् ।” उनले अहिले सरकारमा भएका पार्टीका नेताले एसपीपी जस्तो गम्भीर विषयलाई ख्यालठट्टाको विषय बनाएको टिप्पणी गरे ।
उनले सरकारले एसपीपीमा सहभागि नहुने विषयमा पत्राचार गरेको भन्दै प्रचार भएको भन्दै कुन मितिमा कुन संयन्त्रबाट पत्र पठाएको पनि जानकारी गराउन माग गरे ।