भक्तपुर, २२ असार २०७९ऊर्जा, जलस्रोत तथा सिँचाइमन्त्री पम्फा भुसालसँग नेपालका लागि भारतका नवनियुक्त राजदूत नवीन श्रीवास्तवले शिष्टाचार भेटवार्ता गरेका छन् । मन्त्रालयमा आज बुधवार भएको भेटवार्तामा उनीहरूबीच नेपाल र भारतबीचको आपसी सम्बन्ध र सहयोगका विषयमा छलफल भएको छ ।
भेटमा ऊर्जामन्त्री भुसालले नेपाल–भारतको सम्बन्ध मित्रता, समानता, सहयोग र पारस्पारिक सम्मानका साथ अगाडि बढेको स्मरण गर्दै आउँदा दिनमा दुई देशको मैत्रीपूर्ण सम्बन्ध अझ प्रगाढ हुने विश्वास व्यक्त गरेकी छन् । मन्त्री भुसालले नेपाल–भारतबीच अहिले हुँदै आएको ऊर्जा व्यापार सकारात्मक रहेको र आउँदा दिनमा पनि दीर्घकालीन बिजुली व्यापार सम्झौता गरी अगाडि बढ्न नेपाल इच्छुक रहेको बताइकी छन् ।
भेटमा जलस्रोत तथा सिँचाइ सचिव सागरकुमार राई, सहसचिवद्वय बाबुराम भण्डारी र चिरञ्जीवी चटौतका साथै परराष्ट्र मन्त्रालयका प्रतिनिधिको सहभागिता थियो ।