भक्तपुरपोष्ट संवाददाताभक्तपुर, २२ असार २०७९
भक्तपुर, २२ असार २०७९
भक्तपुरको चाँगुनारायण नगरपालिका ४ दुवाकोट र हेटौंडा नगरपालिकामा हैजाका संक्रमित भेटिएका छन् । इपिडिमियोलोजी तथा रोग नियन्त्रण महाशाखाका अनुसार उक्त दुई संक्रमितको अस्पतालमा उपचार भइरहेको छ ।
दुवाकोटका संक्रमितको टेकु र हेटौंडाको विरेन्द्र सैनिक अस्पतालमा उपचार भइरहेको छ । यो सम्म गरेर २१ जना हैजाका संक्रमित पुष्टि भइसकेको महाशाखाका निर्देशक डा चुम्मनलाल दासले जानकारी दिए।
काठमाडौं उपत्यकामा हालसम्म १९ जनामा संक्रमण पुष्टि भइसकेको छ । काठमाडौं उपत्यकाका धारा र इनारको पानी, ट्याङकरबाट वितरण गरिने र जारको पानीमा ईकोलाई र कोलिफर्म देखिएको छ । ईकोलाई मानिसको दिसामा हुने जीवाणु हो । काठमाडौं उपत्यकाका विभिन्न अस्पतालमा आजभोलि झाडापखालाका बिरामी बढिरहेका छन् ।