भक्तपुरपोस्ट संवाददाता भक्तपुर, ३० कार्तिक २०७९
भक्तपुर, ३० कार्तिक २०७९ भक्तपुरमा बुधबार आगलागी परेर एक जनाले ज्यान गुमाएका छन् । मध्यपुर ठिमी नगरपालिका वडा नं. ६ राइटोल नजिकै भएको आगलिमा २५ वर्षकी अस्मिता केसीलीले ज्यान गुमाएको जिल्ला प्रहरी परिसर भक्तपुरका सूचना अधिकारी राजु पाण्डेले जानकारी दिएका हुन् ।
आत्मराम केसी र हरिशरण केसीको ३ तल्ले कच्ची घरमा बिहान ७:४६ मा आचानक आगलागी भएको थियो ।
प्रहरीको जानकारी अनुसार आगलागीमा ज्यान गुमाउने आत्मरामकी छोरी सुस्तमनस्थिति र प्यारालाइसिसबाट समेत ग्रस्त अस्मिता घरभित्रै जलेको अवस्थामा भेटिएको थियो ।
आगलागी हुँदा घरभित्रै रहेकी १४ वर्षकी नित्मा केसीलाई भने सकुशल उद्धार गरी अस्पताल लगिएको र उनी अहिले डिस्चार्जसमेत भइसकेको प्रहरीले जनाए । घटनाको थप अनुसन्धान भई रहेको जिल्ला प्रहरी परिसर भक्तपुरले जनाएको छ ।