अर्थ मन्त्रालयका सचिवद्धय मधुकुमार मरासिनी र कृष्णहरि पुस्करलाई जिम्मेवारीबाट हटाउने आदेश दिन सर्वोच्च अदालतले अस्वीकार गरेको छ । न्यायाधीश कुमार रेग्मीको इजलासले अर्थमन्त्रालयको बहुचर्चित सिसिटिभी प्रकरणसम्बन्धी रिट निवेदनमा अन्तरिम आदेश दिन अस्विकार गरेको हो ।

अधिवक्ताहरु सरोजकृष्ण घिमिरे र बाबुराम अर्याल लगायतले सिसिटिभी फुटेज सुरक्षित राख्न अनि सचिवद्धयलाई जिम्मेवारीबाट हटाउन माग गरेका थिए ।

सर्वोच्चले कारण देखाउ आदेश भने जारी गरेको छ । मुद्दालाई प्राथमिकता दिन अग्राधिकारको आदेश दिएको छ ।