भक्तपुरपोष्ट संवाददाताभक्तपुर, ३ साउन २०७९
भक्तपुर, ३ साउन २०७९ नेकपा एमालेका वरिष्ठ उपाध्यक्ष ईश्वर पोखरेलले आम निर्वाचनमा एमाले एक्लै लड्ने बताएका छन्। प्रेस चौतारी नेपाल प्रदेश १ कमिटीले गरेको पत्रकार सम्मेलनमा पोखरेलले आगामी संघ र प्रदेशको निर्वाचनमा आफ्नो पार्टी पहिलो बन्ने दाबी समेत गरे।
आवश्यकताअनुसार कुनै पनि दलसँग तालमेल हुनसक्ने उनले बताए। पोखरेलले संविधान कार्यान्वयनको दिशातर्फ देश अघि बढिरहेको धारणा राखे। नेपालको संविधान राष्ट्रिय सहमतिका आधारमा जारी भएको बताए। संविधानलाई समयसापेक्ष संशोधन गर्न सकिने पनि उनले धारणा राखेका छन् ।
प्रदेश १ को नामकरण प्रदेशसभाको एकल अधिकारको विषय भएको भन्दै उनले यसका लागि साझा सहमति बनाउनुपर्ने तर्क गरे।