सोमबार बसेको मन्त्रिपरिषद्को बैठकले अभिनेता तथा निर्माता भुवन केसीलाई सरकारले चलचित्र विकास बोर्डको अध्यक्ष नियुक्त गरेको छ।

सरकारले मंगलबार अपराह्न पत्रकार सम्मेलन गरी मन्त्रिपरिषद् बैठकका निर्णय औपचारिक रूपमा सार्वजनिक गर्दै छ तर अध्यक्षमा केसीको नियुक्ति औपचारिक रूपमा घोषणा नहुँदै केहीले आपत्ति जनाएका छन्।

यौन शोषणको आरोप लागेका व्यक्तिलाई चलचित्र विकास बोर्डको अध्यक्ष जस्तो पदमा नियुक्ति गरिएको भन्दै केसीको विरोध भएको हो। दुई वर्षअघि अभिनेत्री साम्राज्ञी राज्यलक्ष्मीले केसीले आफूमाथि यौन दुर्व्यवहार गरेको आरोप लगाएकी थिइन्। ड्रिम्सुको छायांकनका क्रममा केसीले आफूमाथि यौन दुर्व्यवहार गरेको बताएकी थिइन्।

सोमबारदेखि केसीलाई बधाईको ओइरो आउन शुरु भएको छ। औपचारिक रूपमा भने यसको घोषणा हुन बाँकी छ।