भक्तपुर,३१ साउन २०७९
भक्तपुर,३१ साउन २०७९नेकपा एकता राष्ट्रिय अभियानका संयोजक वामदेव गौतमले जित सुरक्षित गर्नका लागि नेकपा माओवादी केन्द्रको चुनाव चिह्नबाट आसन्न निर्वाचनमा प्रतिस्पर्धा गर्न तयार भएको बताएका छन् ।
मंगलबार निर्वाचन आयोग पुगेका गौतमले उक्त पार्टीको चुनाव चिह्नबाट प्रतिस्पर्धा गर्न लागेको सञ्चारकर्मीसँग बताए । उनले आफ्नो पार्टीले पाउने सिटबारे माओवादी केन्द्रका अध्यक्ष पुष्पकमल दाहाल ‘प्रचण्ड’लाई निर्णय गर्न जिम्मा दिएको पनि बताए । “मैले प्रचण्डलाई जिम्मा दिएको छु । गठबन्धनबाट होस् या माओवादीको हिस्साबाट दिने उहाँ नै जान्नुहुन्छ,” गौतमले भने ।
उनले माओवादीको चुनाव चिह्नबाट लडे पनि आफू नेकपा एकता राष्ट्रिय अभियानको पदाधिकारी नै रहने बताए ।