प्रतिनिधिसभाको कार्यव्यवस्था परामर्श समितिको बैठक सुरु भएको छ । सभामुख अग्निप्रसाद सापकोटाको अध्यक्षतामा संघीय संसद भवन नयाँ बानेश्वरमा कार्याब्यवस्था परामर्श समितिको बैठक सुरु भएको हो ।

राष्टपति विधादेवी भण्डारीले संसदका दुवै सदनले पारित गरेर पठाएको नागरिकता संशोधन विधेयक २०७९ लाई पूर्नबिचार गर्न भन्दै १५ बुँदे सन्देश सहित प्रतिनिधीसभामै फिर्ता पठाएपछि सत्तापक्षले यो विधेयकलाई फेरि जस्ताको तस्तै पारित गरेर राष्टपति कार्यालयमा पठाउने तयारी गरेको छ । त्यसका लागि सत्ता पक्षले आजै विधेयक जसरी पनि पारित गर्ने गरी तयारी गरेपछि सभामुखले कार्यब्यवस्था परामर्श समितिको बैठकमा बोलाएका हुन् ।

प्रमुख प्रतिपक्षी दल एमालेले भने, राष्टपतिले पठाएको सुझाव सम्मलाई आधार मानेर समितिमा लगेर छलफल गरेर मात्र विधेयकका बारेमा निर्णय लिनुपर्ने मत राखिरहेको छ । जर्वजस्ती विधेयक पारित गर्ने बाटो नलिन सत्तापक्षलाई प्रतिपक्षले आग्रह गरिरहेको छ । संसदको आजको कार्यसूचीमा विधेयक पारित गर्ने गरी तयारीमा राखिएको छ ।