भक्तपुरपोष्ट संवाददाताभक्तपुर,३ भदौ २०७९
भक्तपुर,३ भदौ २०७९महन्थ ठाकुर नेतृत्वमा लोकतान्त्रिक समाजवादी पार्टी (लोसपा)ले प्रधानमन्त्री शेरवहादुर देउवालाई गठबन्धनमा आफुहरुको सहभागिताका विषयमा निर्णय तत्काल लिईदिन आग्रह गरेको छ ।
बिहिबार बिहान प्रधानमन्त्री शेरवहादुर देउवालाई भेट्न प्रधानमन्त्री निवास बालुवाटार पुगेका अध्यक्ष महन्थ ठाकुर र नेता राजेन्द्र महतोले शुक्रवार साँझसम्ममा आफुहरुलाई सत्ता गठबन्धनले समेटने नसमेटने बारेमा ठोस निर्णय दिन अल्टिमेटम दिएको लोसपाका एक नेताले बताए ।
लोसपा सत्ता गठबन्धनसँगै टाँस्सिएर आगामी निर्वाचनमा सहभागी हुन चाहेको छ । गत स्थानीय तह निर्वाचन पछि एमाले अध्यक्ष केपी ओलीले लोसपालाई आफु नेतृत्वमा बन्ने सत्तागठबन्धन विरुद्धको मोर्चामा सामेल गराउन छलफल चलाएपनि लोसपाले भने सत्ता गठबन्धनतिरै झुकाव देखाएका थिए ।