भक्तपुरपोष्ट संवाददाताभक्तपुर,१० भदौ २०७९
भक्तपुर,१० भदौ २०७९नेकपा एमालेका नेता महेश बस्नेत र काठमाडौं महानगरपालिकाका प्रमुख बालेन्द्र साहबीच सामाजिक सञ्जालमा जुहारी चलेको छ। बानेश्वरस्थित अल्फाबिटा कम्प्लेक्सको अवैध संरचनामाथि डोजर चलाइएपछि बस्नेतले बालेनको आतंक नियन्त्रण गर्न बाध्य हुने चेतावनी दिएका थिए।
अल्फाबिटाका सञ्चालक आफूहरुसँग नजिक भएको वा सँगै फोटो खिचेको भएर डोजर चलाएको हो भने आतंक नियन्त्रण गर्न बाध्य हुने चेतावनी दिएका थिए। त्यही फेसबुक पोष्टमा कमेन्ट गर्दै मेयर साहले अल्फाबिटाका सञ्चालकले आफूसँग पनि फोटो खिचाएको भन्दै नक्सा पासअनुसार घर निर्माण नगरेकै कारण डोजर चलाउनुपरेको प्रष्टीकरण दिएका छन्।
त्यसपछि मध्यरातमा अर्को स्टाटस लेख्दै नेता बस्नेतले आफ्नो घरको नक्सा हेर्ने मन भए मेयर साहलाई सूर्यविनायक नगरपालिकामा काजमा आउन भन्दै चुनौती दिएका छन्।