भक्तपुरपोष्ट संवाददाताभक्तपुर,१६ भदौ २०७९
भक्तपुर,१६ भदौ २०७९महाअभियोग लागेपछि प्रधानन्यायाधीश पदबाट निलम्बनमा परेका चोलेन्द्र शम्शेर जबराको दोस्रो दिनको बयान सुरु भएको छ । समितिले हिजोदेखि जबरासँग बयान लिन सुरु गरेको थियो ।
बैठक सिंहदरबारस्थित संसदीय समितिको सभाकक्षमा जारी छ । हिजोको बैठकमा जबरालाई पाँच प्रश्न सोधिएको थियो । समितिका एक सदस्यका अनुसार उनलाई ४३ वटा प्रश्न सोध्ने तयारी गरिएको छ । तीमध्ये हिजो पाँच प्रश्नमा सवाल–जवाफ गरिएको थियो ।
सवाल–जवाफका क्रममा जबराले आफूले पूर्वप्रधानमन्त्री तथा नेकपा एमालेका अध्यक्ष केपी शर्मा ओलीसँग पाँचैजना न्यायाधीशलाई महाअभियोग लगाइदिन आग्रह गरेको खुलासा गरेका छन् । उनले ओलीसँग आफूले हात जोडेर संवैधानिक इजलासमा राख्नुपर्ने न्यायाधीशलाई राख्न नसकेको र राख्नुनपर्ने न्यायाधीशलाई राख्नुपरेको जानकारी गराएको पनि बताए ।