भक्तपुर,२१ भदौ २०७९नेकपा माओवादी केन्द्रका अध्यक्ष पुष्पकमल दाहाल प्रचण्डले प्रत्यक्ष निर्वाचित कार्यकारी प्रमुख हुन सकेमात्रै भ्रष्टाचारलाई रोकेर स्थायित्व र विकासलाई गति दिन सकिने दाबी गरेका छ । मङ्गलवार धनगढी विमानस्थलमा सञ्चारकर्मीसँग कुरा गर्दै उनले यस्तो बताएका हुन् ।
अध्यक्ष दाहालले निर्वाचन प्रणाली र शासकीय प्रणाली नागरिक र देशको आवश्यकताको अनुकूल नरहेको भन्दै यही प्रणालीबाट सांसद हुने र बहुमतले प्रधानमन्त्री हुने प्रणालीका कारणले भ्रष्टाचार धेरै मौलाएको उल्लेख गरे । उनले निर्वाचन र शासन प्रणालीमा सुधार हुन आवश्यक रहेको बताउँदै यो निर्वाचन प्रणालीले देशलाई धेरै अघि जान नदिने जिकिर पनि गरेका छन् ।
यस्तै कार्यक्रममा बोल्दै अध्यक्ष प्रचण्डले संसद्को आयु लम्ब्याउनेतर्फ जान नहुने उनको तर्क थियो । संसद्को आयु लम्ब्याउने कुरा आजै संसदबाट फिर्ता हुने उनले बताए । प्रमुख सचेतकहरूले केही प्राविधिक समस्याका कारण यस्तो सोचेको भए पनि संसद्को आयु लम्ब्याउने दिशामा गठबन्धन नरहेको स्पष्ट पारे ।