भक्तपुरपोष्ट संवाददाताभक्तपुर,३० भदौ २०७९
भक्तपुर,३० भदौ २०७९नेकपा माओवादी केन्द्रका अध्यक्ष पुष्पकमल दाहाल प्रचण्डले आउँदो निर्वाचनमा माओवादी देशकै पहिलो कम्युनिष्ट पार्टी बन्न सक्ने मजबुत आधार रहेको बताएका छन् ।
दिवंगत नेता पोष्टबहादुर बोगटीको ८ औं स्मृति दिवस समारोहलाई विहीबार बिहान पार्टी मुख्यालय पेरिसडाँडामा सम्बोधन गर्दै उनले अहिले पनि जनताले देशको चाबी माओवादीलाई सुम्पन चाहेको बताए । स्थानीय निर्वाचनको सन्देश के हो भने जनता अहिले पनि माओवादी पार्टीकै हातमा देशको चाबी दिन चाहेको र यसका लागि माओवादीबीच आन्तरिक एकता आवश्यक रहेकोे उनले बताए ।
गत स्थानीय निर्वाचनमा राम्रो व्यवस्थापन गर्न सकेको भए माओवादी देशको पहिलो कम्युनिष्ट पार्टी बनिसकेको हुने उनले बताए । चुनावमा राम्रो व्यवस्थापन गर्न नसक्दा नसक्दै पनि स्थानीय चुनावमा माओवादीलाई जनताले चाबी बुझाएको उनको तर्क थियो ।