भक्तपुर,३ असोज २०७९नेकपा एमालेले समानुपातिक उम्मेदवारहरुको टुंगो लगाउने क्रममा धेरै भन्दा धेरै नयाँ अनुहारलाई प्राथमिकता दिएको छ । आइतबार बसेको नेकपा एमालेको सचिवालय बैठकले प्रतिनिधि र प्रदेश सभा निर्वाचनका लागि समानुपातिक उम्मेदवारहरुको सूची टुंगो लगाउने क्रममा नयाँ अनुहारलाई प्राथमिकता दिएको स्रोतले जनाएको छ ।
यसैगरी अर्को पार्टी छाडेर आएका नेताहरुलाई पनि राखिएको छ । धेरै जसो महिलाहरुलाई पनि समावेश गरिएको स्रोतले जनाएको छ । ‘केन्द्रीय सदस्यहरु प्रत्यक्षमा चुनाव लड्न आकांक्षा देखाएकाले उहाँहरुलाई समानुपातिकमा राखिएको छैन तर जनजाती, महिला, दलित सबै प्रकारको क्लष्टरलाई ध्यान दिइएको जनाइएको छ ।
सचिवालय बैठकपछि एमालेका प्रवक्ता पृथ्वी सुब्बा गुरुङले निर्वाचनका लागि २२० जनाको नामलिष्ट तयार गरेको जानकारी दिएका थिए । आगामी निर्वाचनका लागि प्रतिनिधि सभातर्फ ४० प्रतिशत हुने समानुपातिक उम्मेदवारको नाम पारित गरेको उनले जानकारी दिए । ११० जनाको नाम प्रस्ताव गरिएको र त्यसमा ५७ जना महिला हुने उनले जानकारी दिए ।