भक्तपुरपोष्ट संवाददाताभक्तपुर,७ असोज २०७९
भक्तपुर,७ असोज २०७९सत्ता गठबन्धनमा सिट बाँडफाँटको विषयमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधव नेपाल र जनता समाजवादी पार्टीका अध्यक्ष उपेन्द्र यादवबीच छलफल भएको छ ।
भेटमा उनीहरूबीच सिट बाँडफाँट टुंग्याउने विषयमा कुराकानी भएको एक नेताले जानकारी दिए । सत्ता गठबन्धनमा सिट बाँडफाँटको विषयमा सहमति हुन नसकिरहेको अवस्थामा तीन अध्यक्षबीच छलफल भएको हो । ती नेताका अनुसार गठबन्धनभित्र ठूलो दल नेपाली कांग्रेसले बढी सिट लिने अडान नछाडेपछि मोर्चाबन्दी गर्नुपर्ने विषयमा छलफल भएको हो ।
कांग्रेसले धेरै सिटमा दाबी नछोडेकोले त्यहीबारे तीन दलका अध्यक्षहरूबीच छुट्टै छलफल भएको हो । तीन दलले लिने अडान र सहमतिका सम्भावनाहरूबारे छलफल भएको जनाइएको छ ।