भक्तपुर, १९ भदौ २०८०अनुसन्धान गर्दा आफ्नै नाम मुछिएपनि अनुसन्धान नरोक्न प्रहरीलाई प्रधानमन्त्री पुष्पकमल दाहाल प्रचण्डले आदेश दिएपछि उनी नेतृत्वको पार्टी नेकपा (माओवादी केन्द्र) का नेता पुत्रहरु पनि अनुसन्धानमा तानिएका छन् ।
उपाध्यक्ष कृष्णबहादुर महराका छोरा राहुल महरालाई केन्द्रीय अनुसन्धान ब्यूरो (सिआइबि)ले नियन्त्रणमा लिएर अनुसन्धान अघि बढाइरहेका बेला पूर्व उपराष्ट्रपति नन्दबहादुर पुनका छोरा दिपेश पुन संग पनि बयान लिइएको छ ।
पुनले महाराजगञ्जस्थित ब्यूरोमा पुगेर बयान दिएका एक अनुसन्धान अघिकृतले जनाएका हुन् ।
६० किलो सुन तस्करी प्रकरणमा छानबिनका दायरामा आएका व्यक्तिहरुसँग उठवस देखिएपछि सिआईबीले पुनसँग बयान लिएको हो ।
३ साउनमा लुकाएर ल्याइएको १५५ किलो सुनको ब्रेक प्याड राजश्व अनुसन्धान विभागले बरामद गरेको थियो । १९ दिनपछि यसको अनुुसन्धानको सम्पूर्ण जिम्मा सीआईबीले पाएको थियो । त्यसक्रममा यसमा संलग्न ६ विदेशी नागरिकसहित २५ जना पक्राउ परिसकेका छन् ।