News Portal

  • संस्कृती संरक्षण र प्रवर्द्धनमा मध्यपुर वाइसिएलको उदाहरणीय काम

    भक्तपुर पोष्ट संवाददाता भक्तपुर, २४ साउन २०८०
    ३०० पटक
    भक्तपुर, २४ साउन २०८०

    नेकपा (माओवादी केन्द्र)को सहायक संगठन योङ्ग कम्युनिष्ट लिग, नेपाल (वाईसिएल, नेपाल) को मध्यपुर थिमिमा धार्मिक एवं सास्कृतिक महत्व बोकेको गुंला बाजा परिक्रमा परम्परा प्रवर्द्धनमा सहयोग गरेको छ । वाईसिएलको मध्यपुर थिमि नगरपालिका वडा नं. ७ समितिले गुंला बाजा नगर परिक्रमालाई स्वागत तथा सम्मान कार्यक्रमको आयोजना गरी उक्त परम्परा प्रवर्द्धनमा सहयोग गरेको हो ।

    गुंला पर्व विशेषगरी बुद्धधर्मावलम्बी नेवा: समुदायले मनाउँदै आएपनि पछिल्लो समयमा हिन्दू धर्मावलम्बीले पनि मनाउन थालेका छन् । नेवा: समुदायमा गुंला पर्वका अवसरमा १ महिनाभरी नै गुंला बाजा बजाउदै चैत्य र मन्दिरमा पूजा अर्चना र नगरपरिक्रमाको प्रचलन रही आएको छ । गुंला बाजा परिक्रमालाई हैसला दिन वडा नं. ७ मा स्वागत, सम्मान तथा चियापान कार्यक्रमको आयोजना गरिएको वाइसिएलको नगर अध्यक्ष सजन प्रजापतिले प्रष्ट पारेका छन् ।

    उक्त अवसरमा वाईसिएल नेपाल वडा नं. ७ कमिटीका अध्यक्ष प्रदीप बाँडेले संस्कृतिको संरक्षण र प्रवर्धनलका लागि सबैले आ-आफ्नो क्षेत्रबाट सहयोग गर्नुपर्ने बताउँदै गुंला पर्वलगायतका सांस्कृतिक धरोहरहरुको रक्षा गर्नु सबैको दायित्व भएको बताए ।

    वाईसिएल नेपालका केन्द्रीय सदस्य एवं भक्तपुर इन्चार्ज नरेश रञ्जीतले संस्कृती संरक्षणका लागि निस्वार्थ रुपमा लाग्नेलाई सम्मान गरेर युवा पुस्ताले सर्हानीय कार्य गरेको सुनाए । पुर्खाले दिएको सस्कृती लाई जोगाइराख्ने अभिभारा युवाकै काधमा आइपर्ने भएकोले यस्ता कार्यक्रम लाई उनले असल संकारको रुपमा अर्थ्याए । ‘हाम्रो धर्म, कला, संस्कृती,सम्पदा हाम्रो अमुल्य सम्पत्ति तथा पहिचान हो । यसको संरक्षण र प्रवर्द्धनका निमित्त वाइसिएल पनि प्रतिवद्ध छ ।’ उनले भने ।

    ‘नगदेश नेवाः ऐतिहासिक, सांस्कृतिक, भजन खलः पुखुशी’द्वारा आयोजना गरिएको गुंला बाजाको नगरपरिक्रमा कार्यक्रमको सम्मान तथा स्वागतमा वाईसिएल नेपाल ७ न वडा समितिले आयोजना गरेको कार्यक्रममा नगरपालिकाका उपमेयर एवं माओवादी केंद्राका नगर अध्यक्ष विजय कृष्ण श्रेष्ठको प्रमुख आतिथ्यता रहेको थियो ।

    गुंला बाजा नगरपरिक्रमा कार्यक्रममा साना बालबालिकादेखि युवा, बयष्क र जेष्ठ नागरिकसम्मको उत्साहजनक सहभागिता रहेको थियो । यो पर्वमा प्रत्येक दिन नौ बाजा बजाएर चैत्य तथा मन्दिर परिक्रमा गरिन्छ । न्याकुँ बाजा, धाः बाजा, बाँसुरी, धिमे, भुस्या, चती, न्याकुल बाजाहरु बजाएर चैत्यहरुका साथै स्थानीय ईष्टदेवता, गणेश, भीमसेन भैरवलगायतका देवीदेवताहरुको परिक्रमा गर्ने गरिन्छ ।राजनीतिमा लागेका युवाहरुले राजनीतिक गतिबिधि मात्र होइन, सांस्कृतिक सहयोग र सम्मान समेत गरेको पाउँदा खुशी लागेको सहभागीहरुले प्रतिक्रिया दिएका छन् ।

    YCL (2)YCL (3)YCL (5)

    प्रतिकृया दिनुहोस्

    सहकारी ठगि प्रकरणको छानबिन गर्न सांसद थापा संयोजक रहेको संसदीय समिति गठन

    काठमाडौँ । प्रतिनिधिसभाले सहकारी ठगि प्रकरणको छानबिन गर्न संसदीय समिति गठन गरेको छ ।  समितिको...

    यस्ता छन् बजेटका पाँच उद्देश्य र प्राथमिकता(पूर्णपाठ सहित)

    बजेटको नयाँ ब्यागका साथमा अर्थमन्त्री वर्षमान पुन । तस्बिरः केशब गुरुङ अर्थमन्त्री वर्षमान पुनले कूल...

    बजेटको बक्तब्यमै भक्तपुरको शान, पुनको बजेटले बढायो ढकालको सम्मान

    सरकारले प्रस्तुत गरेको आगामी आर्थिक वर्ष २०८१/८२ को बजेट बक्तब्यमा भक्तपुर जिल्लाका केही आयोजनालाई प्राथमिकता...

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...