News Portal

  • ताथलीमा महायज्ञको उद्घाटन : सांसद थापाले गरे आयोजक बालयोगेश्वर विजयमूर्तिको प्रशंसा

    मदन ढुंगाना भक्तपुर, ११ असोज २०८०
    ३४७ पटक
    भक्तपुर, ११ असोज २०८०

    भक्तपुर क्षेत्र नं. २ का प्रतिनिधि सभा सदस्य दुर्लभ थापाले राज्यले गर्नुपर्ने काम बालयोगेश्वर विजयमूर्ति महाराजले शुरु गरेको प्रति सन्तोष व्यक्त गरेका छन । असहाय बालबालिका र ज्येष्ठ नागरिकाका लागि आश्रम बनाउने विजयमूर्तिको अभियान प्रति उनले सन्तोष व्यक्त गरेका हुन् ।

    छोरीको घर ज्येष्ठ नागरिक आश्रमको सहयोगार्थ भक्तपुरको चाँगुनारायण ९ ताथलीमा  श्रीमदभागवत विराट पितृ मुक्ति ज्ञान महायज्ञको उद्घाटन कार्यक्रमलाई बिहीवार सम्बोधन गर्दै सांसद थापाले धार्मिक अनुष्ठान आफैंमा राम्रो भएको र जेष्ठ नागरिकका लागि आश्रम बनाउने लक्ष सहित आयोजना हुनु अझ राम्रो भएको बताए ।

    समृद्ध एवं बिकसित देशमा अनाथालय र ज्येष्ठ नागरिक आश्रम बनाउने र उनीहरुको संरक्षण गर्ने कार्य राज्य आफैंले गर्ने भएपनि नेपालमा सरकार अस्थिर र कमजोर अर्थतन्त्रका कारण त्यो पूर्ण रुपमा हुन नसकिरहेको सांसद थापाले स्वीकार गरे । राज्यले गर्नुपर्ने काम विजयमूर्ति महाराजले शुरु गरेकोले खुसि लागेको भन्दै उनले सामाजिक सेवाका कार्यमा सांसदको हैसियतमा आवस्यक सहयोग गर्ने प्रतिवद्धता समेत प्रकट गरेका छन् । ‘समृद्ध नेपाल नबन्दासम्म विजयमूर्ति जस्ता समाजसेवीहरुको आवश्यकता रहिरहन्छ ।’ सांसद थापाले भने ।

    नेपालको संविधानमा गास,बास र कपासको सुनिश्चितता गरिएको प्रसंग उल्लेख गर्दै उनले यस्ता आश्रमहरुले असहायहरुको गास,बास र कपासको सुनिश्चितता हुने र संविधानको सम्मान हुने समेत उनले बिश्वास व्यक्त गरेका छन् ।

    चर्चित श्रीमदभागवत कथाबाचक बालयोगेश्वर विजयमूर्ति महाराजको नेतृत्वमा आयोजित महायज्ञको बिहीवार उद्घाटन गरिएको छ । महायज्ञ १७ दिन सम्म चल्ने कार्यक्रम छ । कथाबाचन चर्चित महिला पण्डित गरिमा उपाध्याय र उमा महेश्वरीले गर्ने बताइएको छ । बिहीबार विहान ७ बजे १००८ शान्ति कलश यात्रा गरी दिउँसो १ बजे उद्घाटन गरिएको महायज्ञका दैनिक पाँच हजार भक्तजन सहभागी हुने अपेक्षासहित सम्पूर्ण तयारी पूरा गरिएको छ ।

    महायज्ञको तयारी हेर्दा नै भक्तजनहरु मुग्ध बनेका छन् । महायज्ञको शृंगारले भक्तजन मात्र होइन, टिकटक चलाउनेहरु पनि तानिएका देखिन्छन् । महायज्ञ उद्घाटनमा प्रदेश सांसद सुरेश श्रेष्ठ, चाँगुनारायणका नगर प्रमुख जीवन खत्री र बागमती प्रदेश सरकारका पूर्व मन्त्री कृष्णलाल भंडेल लगायतको पनि आतिथ्यता रहेको थियो ।

    प्रतिकृया दिनुहोस्

    ओली प्रधानमन्त्री नियुक्त, सोमबार शपथ

    राष्ट्रपति रामचन्द्र पौडेलले नेकपा एमालेका अध्यक्ष केपी शर्मा ओलीलाई प्रधानमन्त्रीमा नियुक्त गरेका छन् । उनले...

    झरीले रोक्न सकेन ‘चाँगुनारायण सिटी एभोकाड़ो सिटी अभियान’ प्रतिको आकर्षण

    ‘चाँगुनारायण सिटी, एभोकाड़ो सिटी अभियान’ अन्तर्गत यो वर्ष पनि नि:शुल्क विरुवा वितरण कार्य भईरहेको छ...

    प्रधानमन्त्री प्रचण्डले पाएनन् संसदको विश्वास

    प्रधानमन्त्री पुष्पकमल दाहाल प्रचण्डले संसदको विश्वास गुमाएका छन् । प्रतिनिधि सभामा बहुमत सदस्यले उनलाई बिश्वासको...

    पटक पटक प्रधानमन्त्री बन्ने लालसाले राजनीतिक अस्थिरता : प्रेम सुवाल

    prem suwal rostram

    नेमकिपाका सचिव एवं प्रतिनिधि सभाका सदस्य प्रेम सुवालले शाशक दलका नेताहरुको पटक पटक प्रधानमन्त्री बन्ने...

    सर्लाहीबाट काठमाडौंतर्फ आउँदै गरेको विङ्गर दुर्घटना हुँदा ११ घाईते

    सिन्धुली । सिन्धुली जिल्लाको गोलान्जोर गाउँपालिका–७ स्थित मरीन डाईभर्सन ईलाकामा सर्लाहीबाट काठमाडौंतर्फ आउँदै गरेको विङ्गर...