News Portal

  • नेपालमै बन्याे यस्ताे पुल, भिर खोपेर पुल निर्माण

    इभक्तपुर संवाददाता
    २४४४ पटक

    गाेरखा । उत्तरी गोरखामा भिर खोपेर बनाइएको दुईवटा ‘क्यान्टिलिभर’ पुल गाउँपालिकालाई हस्तान्तरण गरिएको छ । धार्चे गाउँपालिका–१ केरौँजास्थित यारु बगर र चुमनुव्री गाउँपालिका–६ चुम्चेतस्थित सर्दिभिरमा बनाएको पुल हस्तान्तरण भएको हो ।

    यारु बगरमा बनेको पुल एक सय ९५ मिटर लामो छ । चुमनुव्रीको सर्दिभिरमा निर्माण गरिएको पुल ९० मिटर लामो छ । मनास्लु पदमार्गको यारु बगरको पैदलमार्ग बुढीगण्डकीले कटान गरेपछि भूकम्पलगत्तै केही महिना सो ठाउँमा आवतजावत ठप्प भएको थियो ।

    युकेएडको आर्थिक सहयोगमा पुल बनेको हो । नेपाल बजार विकास कार्यक्रमले पुल बनाउने जिम्मा लिएको थियो । निर्माणको डिजाइन तथा निर्माण व्यवस्थापन स्विट्जरल्यान्डको एएफ–आइटेको लिमिटेडले गरेको थियो ।

    केरौँजास्थित यारुबगरमा पुल निर्माण गर्न तीन करोड ७५ लाख र चुम्चेतको सर्दिभिरमा चार करोड १५ लाखको लागतमा पुल निर्माण गरिएको हो । ‘क्यान्टिलिभरको स्टिल संरचनालाई चट्टानमा खोपेर विशेष बोल्टले जोडेका छाैँ,’ प्राविधिक सल्लाहकार विष्णु शाहले भने ‘झोलुंगेपुलजस्तै हो, यसको आयु कम्तीमा ५० वर्षसम्म हुन्छ, तर नियमित मर्मत–सम्भार भने गर्नुपर्छ ।’

    भूकम्पपछि तल्लो र उपल्लो गोरखा सम्पर्क विच्छेदको अवस्था भए पनि पुल निर्माणपछि आवतजावत सहज भएको स्थानीय विकास अधिकारी नारायण आचार्यले बताए । उनले भने ‘१८ रुपैयाँमा किनेको नुन हेलिकोप्टरबाट ढुवानी गर्न भाडा मात्र ८५ रुपैयाँ लाग्थ्यो, यस्तो अवस्थामा यो पुल निर्माणले उत्तरी गोरखाका स्थानीयलाई निकै सहज भएको छ ।’ पदमार्ग ठप्प भएपछि तत्कालीन समयमा मनास्लु आरोहण गर्ने पर्यटक मनाङको बाटो भएर आउने गर्थे ।

    हेलिकोप्टरबाट निर्माण सामग्री लगेर पुल निर्माण गरिएको हो । पुल निर्माण भएसँगै सो क्षेत्रका आठ हजारभन्दा बढी स्थानीय लाभान्वित भएका छन् । ‘७० प्रतिशत दैनिक उपभोग्य सामग्री तल्लो क्षेत्रबाट लानुपर्छ,’ चुमनुव्री गाउँपालिकाका अध्यक्ष धनबहादुर गुरुङले भने, ‘पुल नहुँदा त्यहाँका स्थानीयको जनजीवन निकै कष्टकर बनेको थियो ।’ धार्चे गाउँपालिकाका अध्यक्ष सन्तबहादुर गुरुङले क्यान्टिलिभर पुललाई जीविकोपार्जन र टुरिजमसँग जोडेर पर्यटन विकासमा लाग्नुपर्नेमा जोड दिए ।

    हेर्नुहाेस भिडियाे पनि

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...