News Portal

  • यो बर्ष डोलेश्वरमा ५ करोड ११ लाख आम्दानी हुँदा ५ करोड २९ लाख खर्च

    इभक्तपुर संवाददाता
    ८१२ पटक

    भक्तपुर, ७ माघ । सहकारी तथा गरिबी निवारण मन्त्री अम्बिका बस्नेतले नेपाललाई धार्मिक पर्यटकीय क्षेत्रको रुपमा विकास गर्न सरकार लागिपरेको बताएकी छन् ।

    केदारनाथको शिर डोलेश्वर महादेव संरक्षण तथा तथा विकास समितिको नवौँ वार्षिक साधारणसभा बोल्दै उनले नेपालमा प्रशस्त धार्मिक तथा ऐतिहासिक क्षेत्र रहेकाले देशलाई धार्मिक पर्यटकीय क्षेत्रको रुपमा विकास गर्नुपर्नेमा जोड दिइन । डोलेश्वर क्षेत्रलाई पनि धार्मिक पर्यटनस्थलको रुपमा विकास गर्नसके भक्तपुरको विकासमा थप टेवा पुग्ने उनको भनाइ थियो ।

    कार्यक्रममा भक्तपुर जिल्लाका प्रमुख जिल्ला अधिकारी द्रोण पोखरेल तथा मन्दिरका संरक्षक भरत जंगमले नेपाली तथा विदेशी पर्यटकको आकर्षणको थलोको रुपमा डोलेश्वर विकास हुँदै जाँदा भक्तपुरको पहिचान पनि अझ बढ्दै गएको चर्चा गए ।

    समितिका अध्यक्ष विदुरमानसिंह बस्नेतले आधा रोपनी जग्गा रहेको मन्दिरको हाल २५ रोपनी जग्गा पुगेको बताउँदै पाँच वर्ष अगाडि तर्जुमा गरिएको मन्दिर निर्माणको गुरुयोजना कार्यान्वयनको अन्तिम चरणमा पुगेको बताए ।

    त्यसअवसरमा समितिका महासचिव मोहन गिरीले समितिको प्रगति प्रतिवेदन प्रस्तुत गर्दै डोलेश्वरको मूल मन्दिर, अन्य देवीदेवताको मन्दिर, प्रवेशद्वार, चौबन्दी सत्तल, आश्रम घर निर्माणको कार्यले तीव्रता लिएको बताउँदै दाताहरुको आगमन बढ्दै गएको बताए ।

    त्यसअवसरमा कोषाध्यक्ष विश्वराम थापाले आर्थिक प्रतिवेदन प्रस्तुत गर्दै आव २०७३÷०७४ मा कूल रु पाँच करोड ११ लाख ९० हजार ९३७ आम्दानी भएको र पाँच करोड २९ लाख ११ हजार ६६ खर्च भएको बताए ।

    कार्यक्रममा नेपाल पत्रकार महासंघ जिल्ला शाखा भक्तपुरका अध्यक्ष पुष्करराज बुढाथोकी, अभिभावक संघ नेपालका अध्यक्ष केशव पुरी, त्रिनेत्र अध्यात्म चिन्तक केन्द्रकी अध्यक्ष रेखा अर्याल, सूर्यविनायक नगरपालिका वडा नं ८ का वडाध्यक्ष एवं समितिका वरिष्ठ उपाध्यक्ष किरण थापालगायतले मन्दिरको गुरुयोजना पूरा गर्न सबैको सहयोग आवश्यक रहेको बताए ।

    प्रतिकृया दिनुहोस्

    सानोठिमी क्याम्पसको प्राध्यापक संघमा प्राडा श्रेष्ठको नेतृत्वमा नयाँ कार्यसमिति

    त्रिभुवन विश्वविद्यालय प्राध्यापक संघको सानोठिमी क्याम्पस इकाई समितिले नयाँ नेतृत्व पाएको छ । प्राडा माधव...

    क्रिप्टोकरेन्सीलाई मान्यता पाउनुपर्ने माग गर्दै सर्वोच्चमा रिट दर्ता

      डिजिटल मुद्रा क्रिप्टोकरेन्सीलाई मान्यता पाउनुपर्ने माग राखी सर्वोच्च अदालतमा बिहीबार रिट निवेदन दर्ता भएको...

    नागरिकता विधेयक पास भए नेपालमा लेन्डुप दोर्जेहरुको जन्म हुन्छः प्रेम सुवाल

    नेपाल मजदुर किसान पार्टीका सांसद प्रेम सुवालले नागरिकता विधेयक पास गर्नु राष्ट्रघाती काम हुने बताएका...

    नागरिकता विधेयकबारे संसदमा चर्काचर्की

    राष्ट्रपति विद्यादेवी भण्डारीले फिर्ता पठाएको नागरिकता विधेयक सरकारले जस्ताको तस्तै पास गर्ने तयारी गरेपछि त्यसको...

    भेटाएको नागरिकता दुरुपयोग गरी ठगीगर्ने तीन जना पक्राउ

      भेटाएको नागरिकता दुरुपयोग गरी कम्पनी खोलेर ठगी कार्यमा संलग्न तीन जनालाई प्रहरीले पक्राउ गरेको...