News Portal

  • जिशिअ रायमाझी भन्छन-म राजनीति गर्ने मान्छे होइन

    इभक्तपुर संवाददाताभक्तपुर, १५ माघ
    १५७६ पटक
    भक्तपुर, १५ माघ

    अर्जुनबहादुर रायमाझी शिक्षा सेवामा नसुनिएको नाम होइन । जतिबेला तत्कालिन माओबादी जनयुद्धमा थियो त्यतिबेला नै औलामा गनिने माओबादी समर्थक कर्मचारीका रुपमा चिनिन्थे शिक्षाका अर्जुन रायमाझी ।

    बिद्यार्थी बेला देखि नै बामपन्थी बिचारले प्रेरित रायमाझी माओबादी शान्ति प्रक्रियामा आएपछी गठन भएको राष्ट्रिय कर्मचारी संगठनका शिक्षा विभागीय समितिको अध्यक्ष समेत रहेका थिए । उनले शिक्षामा खुबै संगठन बिस्तार गरे । अहिले पनि राकसको शिक्षा विभागीय समिति अब्बल दर्जामा गनिन्छ ।

    उपसचिव बनेपछि ट्रेड युनियनमा रहन नपाउने निजामति ऐनको व्यवस्था बमोजिम उनी अहिले संगठनमा सक्रिय नभएको बताउछन । उनी उपसचिव बनेको धेरै पनि भएको छैन र उपसचिव हुनासाथ जिशिअ बन्ने भाग्यशाली व्यक्ति पनि बने रायमाझी ।

    तत्कालीन शिक्षा मन्त्री गिरिराजमणि पोखरेलको निजि सचिवालयमा रहदा रहदै उनको बढुवा भयो र आफुलाई शिक्षाको नीतिगत र प्रक्रियागत कुरामा सहयोग गरेको र शिक्षा ऐन संसोधनमा पनि लागेको भन्दै पोखरेलले रायमाझीलाई महत्वपूर्ण जिम्मेवारीमा पुर्याए । अनि शुरु भयो रायमाझीको कार्यालय प्रमुखको पहिलो यात्रा । जिल्ला शिक्षा अधिकारीको रुपमा , त्यो पनि राजधानीसंगै जोडिएको भक्तपुर बाट ।

    सिनियर उपसचिवहरुले दावी गर्ने उपत्यकामा रायमाझीका बिरोधी निस्किएनन । संगै पोस्टिङ भएका काठमाडाैं र ललितपुरमा बिबाद मात्र भएन । अदालतसम्म मुद्दा पर्यो र निर्णय कार्यान्वयन हुन सकेन तर भक्तपुरमा कान्छा उपसचिव भएर नियुक्त रायमाझी अहिलेसम्म निर्बिबाद रहेका छन ।

    उनको सरल स्वभाव, मिलनसार व्यवहार र इमान्दार छविका कारण उनी सबैका प्यारा बनेका छन् । उनी खुला किताब जस्ता छन्, बोलाइ र गराई फरक छैन उनको । त्यसैले आफु संगैका साथीहरु फेरबदल भैरहदा उनले भक्तपुरमा बसेर ३ मन्त्री पनि पचाइसकेका छन् ।

    रायमाझी शिक्षा बुझेका र शिक्षाप्रति चिन्तित भएकाले जिशिअको अनुभव बिना नै अनुकरणीय कामको प्रारम्भ समेत गरे । उनले बन्द भएका सरकारी स्कुलहरुलाई ब्युताउनु समुदायको लागि असल कामको शुरुवातको रुपमा लोकप्रिय छ ।

    निजी स्कूल संग प्रतिष्पर्धा गर्न नसकेको भन्दै बन्द भएका स्कुलहरुलाई उनले सुचारु मात्र गराएनन । समुदायलाई संचालनको जिम्मेवारी दिएर भौतिक सुविधामा पनि पहुचको स्थिति बनाइदिए । त्यतिमात्र होइन नीजी विद्यालयले कसरी राम्रो गर्न सके भन्ने अनुभव शेयारिंग गराएर, तालिम संचालन गाराएर र आपसी सहयोगलाई अनिवार्य बनाएर उनले हुदा खाने बर्गको पहुँच हुने सामुदायिक स्कूलहरुलाई सुक्नबाट बचाए ।

    शिक्षा कार्यालय सेवाग्राहीको प्रत्यक्ष सम्पर्क हुने कार्यालय भएकोले पनि बादबिबाद त् भै नै रह्यो तर रायमाझीले सबैको साझा बनेर सबै समस्याको समाधान गरेको कुरा शिक्षा समितिमा रहेकाहरु नै सुनाउछ्न । जिशिअलाइ विपक्षीको आखाले हेर्ने समितिका सदस्यहरु रायमाझीबाट भने बेखुशी बनेनन् । उनमा बोल्ने कला नभएपनि काम गर्ने र सबैलाई मिलाएर अघि बढ्न सक्ने कला भएको कर्मचारीहरु बताउँछन ।

    यतिबेला शिक्षाका अधिकार र संरचनाहरु स्थानीय तहमा पुगेका छन् । कतिपय जिल्लाहरुमा यसले कर्मचारी र जनप्रतिनिधिहरुबीच सौताको जस्तो व्यवहार पनि देखायो । जिशिका र स्थानीय तहको अन्तरबिरोधहरु मिडियासम्म आए र सेवाग्राहीले सास्तीसमेत पाए । तर भक्तपुरमा त्यस्तो भएन ।

    जिशिअ रायमाझीले स्थानीय तहको निर्वाचन अगाडीबाट नै स्थानीयले गर्ने कामहरु स्थगित गरेर अधिकार र उत्तरदायित्व हस्तान्तरणको तयारी गरेका थिए । ‘कतिपयले यसलाई जिशिअ काम गर्न डराएको भनेर पनि बुझे तर जनप्रतिनिधिहरुको काममा हस्तक्षेप गर्नु जनतामाथि अन्याय गर्नु हो भन्ने मेरो बुझाइ थियो । त्यसैले मैले गरिन ।” इभक्तपुरसंग उनले भने ।

    अहिले जिशिकामा उनीसहित ३ कर्मचारी मात्र छन् । बाँकी सबै स्थानिय तहमा बाँडिइसके । शिक्षा विभागले यो बर्ष जिशिका नरहने कल्पना नगरेकोले उनको दिनचर्या कार्यालयमा बितिरहेको छ ।

    कर्मचारी जनताका सेवक हुन् त्यसैले जनप्रतिनिधि भन्दा माथि हुन सक्दैनन् भन्ने रायमाझी जनताको पक्षमा काम गर्ने आफ्नो कर्तब्य र गराउने जनप्रतिनिधिको अधिकार भएको बताउँछन ।

    ”राजनीति बुझेको छु त्यसैले सिस्टमलाई सहयोग गर्ने कर्तब्यबाट बिमुख हुन्न” उनले प्रतिबद्धता जनाए । आफु राजनीति गर्ने मान्छे नभएको र कर्मचारी मात्र भएको बताउदै उनी भन्छन् ” राजनीति गर्ने र बुझ्ने फरक कुरा हो ।” कर्मचारीले राजनीति बुझ्न भने जरुरी भएको उनको बझाइ छ । यसले व्यवस्थालाई बलियो बनाउन मद्दतै गर्ने उनी बताँउछन् । ”राजनीति बुझ्नुपर्छ गर्ने भए चै चुनावमा भिड्नु पर्यो , नत्र जनप्रतिनिधिलाई कर्मचारीले बाटो छेक्नु हुदैन ।” उनको कुरा स्पष्ट छ ।

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...