News Portal

  • भक्तपुरमा चिनिया पर्यटकले कुटे कर्मचारी : एक तल्ला माथिको प्रहरी आउन लाग्यो आधा घण्टा

    संजीप शुभचिन्तकभक्तपुर, २५ माघ
    २९७६ पटक
    भक्तपुर, २५ माघ

    पर्यटकीय नगर भक्तपुरमा बिहीवार चिनिया पर्यटकको कुटाइबाट नगरपालिकाकी एक कर्मचारी घाइते भएकी छन् । ब्यासीमा प्रवेश शुल्कको बिषयमा बिबाद हुदा कर्मचारी कुटिएकी हुन् ।

    साँझको करीब ५ बजेतिर ब्यासीमा कर्मचारी र पर्यटकको बिबादले बटुवाहरु बिलखबन्दमा परेका देखिन्थे । पर्यटक ‘यु थिफ्’ भन्दै कर्मचारी माथि जाइलाग्थे भने कर्मचारी ‘ दिस इज माइ कन्ट्री , यु नो’ भन्दै प्रतिवाद गर्थिन् ।

    दुवै पक्ष पुलिस बोलाएर ‘अरेस्ट’ गराइदिने भन्दै चिच्याउथे तर बिडम्बना प्रहरीको कतै अत्तोपत्तो नै थिएन । २०-२५ मिनेट सम्म पनि प्रहरी नआएपछि बटुवालाई झगडा थाम्न हम्मे हम्मे परेको थियो ।
    पर्यटकसंग शुल्क असुल्ने नगरपालिकाको कार्यालयकै दोश्रो तलामा पर्यटक प्रहरीको कार्यालय छ तरपनि प्रहरीको उपस्थिति नहुदा ब्यासीमा झगडा हेर्नेहरुको ठुलै मेला लागेको थियो ।

    बाटोमै भएको झगडा अन्य पर्यटक समेत क्यामेरमा कैद गर्न तल्लिन भएका थिए । झगडा साम्य हुने छाँटकाँट नदेखिएपछि बटुवा मध्यस्तकर्ता भैरहने की आफ्नो बाटो तताउने बिलख बन्दमा परेका देखिन्थे ।

    २०-२५ मिनेट पछि महानगरीय प्रहरी परिसरका प्रहरी उपरीक्षक कृष्ण प्रसाइको गाडी त्यही बाटो भएर कुद्यो । प्रसाइले गाडीबाटै घम्साघम्सी हेरेपछि पर्यटक प्रहरीलाई बोलाए । आफ्नै आगनमा भएको कुटाकुटमा करीब आधा घण्टापछि उपस्थित भयो  प्रहरी र मध्यस्थता शुरु गर्यो ।

    ३ जनाको समुहमा रहेका चिनिया महिला पर्यटकहरु मध्य १ ले पुरानो मितिको टिकट देखाएकोले आफुले रोक्न खोजेको नगरपालिकाकी कर्मचारीले इभक्तपुरसंग दावी गरिन् । आफुले रोक्न खोज्दा आफूमाथि आक्रमण भएको उनको भनाइ छ । चिनिया महिला पर्यटकहरुले उनलाई हातपात मात्र गरेनन् । हातमा टोकेर रगताम्मे नै पारेका छन् ।

    घटना बारे बुझ्न खोज्दा पर्यटक प्रहरीले इभक्तपुरकर्मीलाई बार्तामा प्रवेश गर्न दिएन । घटनाको बास्तविकता समेत प्रहरीले बताउन चाहेन । ” ५ बजेनै सई साब घर गैसक्नु भयो । अहिले हल्दार साबले केस हेर्दैहुनुन्छ । भोली सई साब् आएपछि आउनु है विवरण लिन ” एक जवानले आदेश गरे ।

    पर्यटन जस्तो संबेदनशील बिषयमा भक्तपुरमा खटिएको पर्यटन प्रहरीको ढिलासुस्ती र हल्का व्यवहारले गर्नेलाई भन्दा हेर्नेलाई लाज भएको स्थानीय राजाराम सुवाल बताउछन् । नगरपालिका कर्मचारी पनि संयमित हुनुपर्नेमा उत्तेजित हुदा घटनाले उग्र रुप लिएको उनको बुझाइ छ ।

     

    अनुरोध : इभक्तपुरको फेस बुक पेज लाइक गरेर तपाई फेस बुकमा पनि हामीसंग जोडिन सक्नुहुनेछ ।

    https://www.facebook.com/ebhaktapur/

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...