इभक्तपुर संवाददाताभक्तपुर, २८ माघ
भक्तपुर, २८ माघ आइतवार बिहानै एक फर्निचर उद्योगमा आगलागी भएको छ । भक्तपुर नगरपालिका- १० नागपोखरी स्थित बाबुकाजी शिल्पकारले संचालन गरेको फर्निचर उद्योगमा आगलागी भएको हो ।
आगलागीबाट काठ चिर्ने मेसिन थान ३, जेनरेटर थान १ र काठ लगायत धनमाल जलेर नष्ट भएको छ । अन्दाजी १० लाख बराबरको क्षती भएको प्रोप्राइटर बाबुकाजीले बताए । दुर्घटनाबाट कुनै मानवीय क्षती भने भएको छैन ।
आगलागी नियन्त्रणको लागी तत्काल महानगरीय प्रहरी परिसर भक्तपुर र प्रभाग ब्यासीबाट प्रहरी टोली खटि गएको र उक्त आगो नेपाल प्रहरी, दमकल र स्थानीय बासिन्दाहरुको संयुक्त प्रयासबाट आधा घन्टामा पुर्ण रुपमा नियन्त्रणमा आएको प्रहरी परिसर भक्तपुरका प्रवक्ता प्रहरी नायब उपरीक्षक कृष्ण प्रसाइले जानकारी गराएका छन । घटनाबारे थप अनुसन्धान भैरहेको बताइएको छ ।