News Portal

  • भद्रगोल प्रदेशका मन्त्री रिसोर्टमा बिताउछ्न रात

    पत्रपत्रिकाकाठमाडौँ, ११ फागुन
    १०६९ पटक
    काठमाडौँ, ११ फागुन

    प्रदेश १ : मुख्यमन्त्री राष्ट्र बैंकको गेस्टहाउसमा, आन्तरिक मामिलामन्त्री रिसोर्टमा

    मुख्यमन्त्री शेरधन राईका लागि जहदा रोडमा एउटा घर तयार पारिएको थियो, तर अपायक र असुरक्षित भएको भन्दै उनी राष्ट्र बैंकको गेस्टहाउसमा बसिरहेका छन् । आजको नयाँ पत्रिकामा खबर छ ।
    आन्तरिक मामिलामन्त्री हिक्मत कार्की फुड एन्ड फन रिसोर्टमा र आर्थिक मामिलामन्त्री इन्द्र आङ्बो होटेल स्वागतममा छन् । पर्यटनमन्त्री जगदीश कुसियत ४० किमि टाढा कोसी गाउँपालिका (सुनसरी)स्थित निवासबाट आउँछन् । सामाजिक विकासमन्त्री जीवन घिमिरेको घर भने नजिकै भएकाले आउजाउ गर्न सजिलो छ ।
    घिमिरे घरबाटै धाउँछन् : सामाजिक विकासमन्त्री जीवन घिमरे विराटनगर–१० शान्ति चोकस्थित निजी निवासबाटै मन्त्रालय धाउँछन् । उनको सरकारी आवासका लागि विभिन्न स्थान हेरिए पनि अझै टुंगो नलागेको स्वकीय सचिव सुशान्त बन्जाराले बताए ।

    दैनिक ४० किलोमिटर यात्रा
    उद्योग, वन, वातावरण तथा पर्यटनमन्त्री जगदीश कुसियत पनि निजी निवासबाटै मन्त्रालय आउजाउ गर्छन् । सुनसरीको कोसी गाउँपालिका–५ स्थित घरबाट मन्त्रालय ४० किलोमिटर दूरीमा पर्छ । उनी दैनिक कर्यालय समयमै मन्त्रालय आउने र तीन–चार घन्टा काम गरेर फर्किने गरेको स्वकीय सचिव विष्णु यादवले बताए । कुसियतलाई पोखरियास्थित मन्त्रालय रहेकै ठाउँमा आवासको व्यवस्था मिलाउने तयारी भइरहेको छ ।

    प्रदेश २ : केन्द्रले दिएका पाँचमध्ये तीन गाडी चल्नै नसक्ने, दुई गाडी बनाउन १७ लाख लाग्ने
    केन्द्रीय सरकारले दिएका तीनवटा गाडी चल्नै नसक्ने अवस्थाका छन् । अरू दुई गाडीमध्ये एउटा मुख्यमन्त्री मो लालबाबु राउत गद्दी र अर्को अर्थ मामिला तथा योजनामन्त्री विजय यादवले चढिरहेका छन् । ती दुई गाडी मर्मत गर्न १७ लाख लाग्ने अनुमान छ । धनुषास्थित सिँचाइ कार्यालयले सभामुख सरोजकुमार यादवलाई दिएको गाडीमा सिट कभरसमेत छैन । भौतिक पूर्वाधारमन्त्री जितेन्द्र सोनललाई कृषि तालिम केन्द्रले दिएको गाडी पनि सोमबार राति वीरगन्जबाट फर्कंंदा बिग्रिएपछि थन्क्याइएको छ ।
    प्रदेश २ मा सरकार गठन भएको एक साता भइसक्दा पनि मन्त्रीहरूलाई स्थायी कार्यालय तथा सरकारी आवास व्यवस्थापन हुन सकेको छैन । मुख्यमन्त्रीको कार्यकक्ष तथा आवासको अस्थायी व्यवस्थापन जनकपुर चुरोट कारखानाको गेस्टहाउसमा गरिएको छ ।
    प्रदेशलाई केन्द्रका थोत्रा गाडी
    प्रदेश सरकारले पाएका २३ मध्ये पाँचवटा गाडी मात्र तत्काल प्रयोग गर्न सकिनेछन् । बाँकी १८ गाडी मर्मत नगरी चलाउन नमिल्ने भएकाले थन्किएको मुख्यमन्त्रीको कार्यालयका सचिव हरि फुँयालले जानकारी दिए । तिनै पाँच गाडीमध्ये छानेर प्रदेश प्रमुख, मुख्यमन्त्री, सभामुख र मन्त्रीहरूले लिएका हुन् । कतिपय चल्न नसक्ने गाडीलाई फिर्ता पठाएको फुँयालले बताए ।

    प्रदेश ३ : १६९ कर्मचारी अझै हाजिर भएनन्, प्रदेश प्रमुख पनि पाँच दिन मात्र हेटौँडामा
    प्रदेश प्रमुखको कार्यालय, मुख्यमन्त्री तथा मन्त्रिपरिषद्को कार्यालय, प्रदेश सभा सचिवालय र सात मन्त्रालयका लागि केन्द्रबाट दुई सय ३७ कर्मचारी खटाइए पनि हालसम्म ६८ कर्मचारी मात्र हाजिर भएका छन् । १६९ कर्मचारी सम्पर्कमा छैनन् । मुख्यमन्त्री र मन्त्रीहरूको शपथपछि उपचारका लागि भारत गएकी प्रदेश प्रमुख अनुराधा कोइराला १६ फागुनमा मात्रै हेटौँडा आइपुग्ने मुख्यमन्त्री डोरमणि पौडेलले बताए । तर, उपचारका लागि जानुअघि पनि उनी दुईपटक गरी पाँच दिन मात्रै हेटौँडा बसिन् ।

    प्रदेश ४ : मुख्यमन्त्री र मन्त्रीका लागि आवास तयार
    प्रदेश ४ मा प्रदेश प्रमुख, मुख्यमन्त्री, सभामुख, उपसभामुख र मन्त्रीहरूको निवास भवन मर्मतसम्भारको बाहिरी तयारीको काम करिब सकिएको छ । तर, भवनभित्र अझै सकिएको छैन । भौतिक संरचना व्यवस्थापन समितिले सम्भावित आवास भवन तोक्ने काम गरिरहेको छ भने भवन मर्मतसम्भार कार्यलाई पनि अगाडि बढाइरहेको छ ।

    प्रदेश ५ : २३५ कर्मचारी बुटवल पठाइएकोमा ४९ हाजिर
    केन्द्रबाट दुई सय ३५ कर्मचारी खटाइएकोमा ४९ जना मात्रै बुटवल पुगेका छन् । त्यस्तै, प्रदेश प्रमुख उमाकान्त झा सडक विभागको गेस्टहाउसमै छन् । उनलाई उच्च अदालतको निर्माणाधीन भवनमा राख्ने तयारी छ ।
    प्रदेश प्रमुख गेस्टहाउसमै
    प्रदेश प्रमुख उमाकान्त झाको स्थायी निवास भने अझै टुंगो लागेको छैन । उनी केही समय सडक विभागको गेस्टहाउसमा बस्नेछन् । उनलाई उच्च अदालतको निर्माणाधीन भवनमा राख्ने तयारी थालिएको छ ।

    भनेजति गाडी ल्याइएन, ल्याएका जति काम लागेन
    मुख्यमन्त्री, मन्त्री तथा मन्त्रालयका लागि दिने भनिएका गाडी अहिलेसम्म बुटवल ल्याइएका छ्रनन् । उपलब्ध गराइएका केही सवारी पनि कामै नलाग्ने अवस्थाका छन् । ‘धेरै गाडी आएकै छैनन्, ल्याइएकामध्ये अधिकांश कामै नलाग्ने अवस्थाका छन्’, सचिव काफ्ले भने, ‘एउटै गाडी मर्मत गर्न ८ लाखसम्म लाग्ने इष्टिमेट आएको छ, त्यस्ता गाडी कसरी मर्मत गरेर चलाउने ?’
    भैरहवा भन्सारमा रहेको नयाँ गाडी मुख्यमन्त्रीलाई ब्यवस्था गरिएको छ । पठाउने भनिएका वन तथा भुमिसुधार मन्त्रालयका ६, शहरी विकास मन्त्रालयका २, आपूर्ति मन्त्रालयका १, भौतिक पूर्वाधार मन्त्रालयका १ तथा शिक्षा मन्त्रालयबाट १ सवारी साधन आइ पुगेका छैनन् ।

    प्रदेश ६ : सरकारी निवास नपाउँदा मन्त्रीको वास होटेलमा
    कर्मचारीले क्षेत्रीय कार्यालयका निवास छाड्न ढिला गर्दा सभामुख र मन्त्रीले सरकारी निवास पाएका छैनन् । प्रदेश प्रमुख दुर्गाकेशर खनालले पनि नियुक्त भएको दुई सातापछि क्षेत्रीय वन तालिम केन्द्रका निर्देशकको निवास पाएका थिए । मुख्यमन्त्री महेन्द्रबहादुर शाही कार्यालयकै गेस्टहाउसमा बस्दै आएका छन् ।

    प्रदेश ७ : प्रदेश प्रमुखको कार्यालयका कर्मचारी सम्पर्कमा छैनन्
    सरकारले प्रदेश ७ का सबै निकायका लागि दुई सय ३७ जना कर्मचारीको दरबन्दी स्वीकृत गरेको भए पनि सामान्य प्रशासन मन्त्रालय र अन्य मन्त्रालयबाट हालसम्म एक सय १९ जना कर्मचारी मात्रै खटाइएको छ । तीमध्ये पनि धेरै कर्मचारी हाजिर भएका छैनन् ।
    देश प्रमुखको कार्यालयमा खटाइएका अधिकृत खेमराज खत्री, गगनसिंह विष्टलगायत कर्मचारी सम्पर्कमा आएका छैनन् । यो कार्यालयमा १८ जना खटाइएकोमा ११ मात्र हाजिर भएका छन् । अरू मन्त्रालयमा त अझै धेरै समस्या छ ।

    प्रतिकृया दिनुहोस्

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...

    पटके बाटो इजाजत पत्र अनलाइनबाटै उपलब्ध गराइने कार्यको भक्तपुरबाट शुभारम्भ

    अब यातायात कार्यालयले पटके बाटो इजाजत पत्र अनलाइन बाटै उपलब्ध गराउने भएको छ । उक्त...