पर्यटकीय नगर भक्तपुरको सुरम्य क्षेत्र सिद्धपोखरीबाट आधा दर्जन युवा पक्राउ परेका छन् । उनीहरुलाई प्रहरीले लागु औषधसहित रंगेहात पक्राउ गरेको हो ।
भक्तपुर नगरपालिका-१ दुधपाटीस्थित सिद्धपोखरी क्षेत्रबाट लागुऔषध सेवन तथा खरिद बिक्री गरिरहेको अवस्थामा युवाहरु पक्राउ परेका हुन् । महानगरीय प्रहरी परिसर भक्तपुरबाट खटिएको प्रहरी गस्ती टोलीले उनीहरुलाई शनिवार बेलुका समातेको जानकारी प्राप्त भएको छ ।
पक्राउ पर्ने ६ युवाहरु २२ देखि ३० बर्ष उमेर समुहका छन् । उनीहरुको साथबाट विभिन्न प्रकारका लागु अाैषध बरामद भएपछी प्रहरीको फन्दामा परेका हुन् । उनीहरुमाथि कानुनी कारवाही अगाडी बढाइएको बताइएको छ ।

पर्यटकीय स्थल सिद्धपोखरी लागु औषधको अखडा बनेको भन्दै गुनासाहरु बढेका थिए । प्रहरीले दुर्ब्यसन नियन्त्रणको लागि ससक्त सर्च अभियान थालेको परिसरका प्रवक्ता एवं डीएसपी कृष्ण प्रसाइले इभक्तपुरलाई बताए । ”यो पक्राउ त्यसैको प्रतिफल हो, यसमा लागु औषध सेवन गर्ने मात्र होइन बिक्रीवितरण गर्ने पनि फन्दामा परेका छन् ।” उनले दावी गरे ।

सामाजिक संजालमै खवर प्राप्त गर्न eBhaktapur को फेसबुक पेज लाइक गर्नुहोस् ।