News Portal

  • फोरम सरकारमा जान आतुर, हस्ताक्षर नहुदा अड्कियो हलो

    पत्रपत्रिकाकाठमाडौँ, १५ फागुन
    ५९६ पटक
    काठमाडौँ, १५ फागुन

    प्रधानमन्त्री केपी ओली संविधान संशोधनको मुद्दामा सकारात्मक बनेपछि संघीय समाजवादी फोरम सरकारमा सामेल हुने भएको छ । फोरम सरकारमा आउने समझदारी जुटेकै कारण प्रधानमन्त्री ओलीले सोमबार चार जना मन्त्रीमात्रै थप गरेका हुन ।

    प्रधानमन्त्री निवास बालुवाटारमा प्रधानमन्त्री ओली र माओवादी केन्द्रका अध्यक्ष पुष्पकमल दाहालले फोरमलाई सोमबारै सरकारमा ल्याउने प्रयत्न गरेका थिए । तर फोरम अध्यक्ष उपेन्द्र यादव आन्तरिक छलफलपछि मात्रै सरकारमा जाने भन्दै बालुवाटारबाट निस्केका थिए ।

    मधेस केन्द्रित दलले उठाउँदै आएको संविधान संशोधनको मुद्दामा माओवादी केन्द्रका अध्यक्ष दाहाल सकारात्मक भए पनि ओली अनुदार बन्दै आएका थिए ।

    प्रधानमन्त्री भएसँगै ओली सकारात्मक भएका हुन् । दुई तिहाइ समर्थनको सरकार बनाउन ओलीले फोरमले उठाउँदै आएको संशोधनको मुद्दालाई आपसी सहमतिका आधारमा अघि बढाइने प्रतिबद्धता बैठकमै व्यक्त गरेपछि फोरम सरकारमा जान इच्छुक देखिएको हो ।

    फोरम नेता राजेन्द्र श्रेष्ठका अनुसार प्रधानमन्त्री ओली र माओवादी केन्द्रका अध्यक्ष दाहालले सोमबारकै मन्त्रिपरिषद् विस्तारमा फोरमबाट पनि नाम पठाउन आग्रह गरेका थिए ।

    आन्तरिक छलफलमा फोरम नेताहरूले संशोधनको मुद्दामा सरकार र फोरमबीच लिखित समझदारी गरेर सरकारमा जानुपर्ने सुझाव दिएका छन् ।

    ‘सोमबार बालुवाटारमा संविधान संशोधनमा नयाँ ढंगले कुराकानी भएको छ, दुई पक्ष (सरकार र फोरम) बीच भएको सहमतिमा हस्ताक्षर हुनासाथ सरकारमा जाने कुरा हुन्छ,’ श्रेष्ठले भने, ‘राजनीतिक हस्ताक्षरका लागि हामी त शुक्रबारदेखि नै तयारीमा छौं, सरकारले कति चाँडो गर्छ, त्यसै आधारमा सरकारमा जाने तय हुने हो ।’

    प्रधानमन्त्रीका प्रमुख राजनीतिक सल्लाहकार विष्णु रिमालले फोरमसँगको कुराकानी सकारात्मक रहेकाले चाँडै सरकारमा सहभागी हुने बताए । ‘उहाँहरू सरकारमा सहभागी हुन सैद्धान्तिक रूपमा सकारात्मक भइसक्नुभएको छ,’ उनले भने, ‘अब कसरी कहिले सहभागी हुने भन्नेचाहिँ अन्तिम टुंगो लाग्न बाँकी छ ।’

    वाम गठनबन्धनले आवश्यकता र औचित्यका आधारमा संविधान संशोधन गर्न सकिने प्रतिबद्धता जनाएको छ । (कान्तिपुर दैनिक)

    प्रतिकृया दिनुहोस्

    अनेसासलाई अनेसास नै बनाउने प्रतिबद्धतासहित उत्रिएका तीन उम्मेद्वार

    लामो समयदेखि साहित्य र अनेसासमा आफूलाई समर्पित गर्दै आएका तीन हस्तीः अध्यक्षका उम्मेद्वार गोवर्धन पूजा,...

    रामेछाप बस दुर्घटनाः मृत्यु हुनेको संख्या १३ पुग्यो

    रामेछापमा भएको बस दुर्घटनामा मृत्यु हुनेको संख्या १३ पुगेको छ । घटनास्थलमा ९ जना र...

    भक्तपुरका ५३८ उम्मेद्वारले बुझाए निर्वाचन खर्च विवरण

    गत वैशाख ३० गते सम्पन्न स्थानीय तहको निर्वाचनमा भक्तपुरका विभिन्न चारवटा स्थानीय तहमा उम्मेदवार बनेकामध्ये...

    अर्थमन्त्री प्रकरणबारे प्रचण्डले प्रधानमन्त्री र सभामुखसँग छलफल गर्ने

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विवादित अर्थमन्त्री जनार्दन शर्माको विवाद समाधानका लागि...

    काठमाण्डौ उपत्यकाको सुरक्षाको जिम्मा सङ्घीय प्रहरीलाई

    गृहमन्त्री बालकृष्ण खाणले बढ्दो सुरक्षा संवेदनशीलतालाई ध्यानमा राखेर सरकारले काठमाण्डौ उपत्यकाको सुरक्षाको जिम्मा सङ्घीय प्रहरीलाई...